1999ല്‍ പുറത്തിറങ്ങിയ ആകാശഗംഗ എന്ന ചിത്രം മികച്ച പ്രേക്ഷക പ്രതികരണം ലഭിച്ച സിനിമയായിരുന്നു. ഭയവും തമാശയും കൂട്ടിയിണക്കി വിനയന്‍ സംവിധാനം ചെയ്ത ഈ ചിത്രം തിയേറ്ററുകളില്‍ 150 ദിവസത്തോളമാണ് ഓടിയത്. 'അവളാ ആവിയാ' എന്ന പേരില്‍ ഈ ചിത്രം തമിഴിലേക്കും മൊഴിമാറ്റം ചെയ്തിരുന്നു. ഇപ്പോള്‍ ആകാശഗംഗയുടെ രണ്ടാംഭാഗം എടുക്കാന്‍ ഒരുങ്ങുകയാണ് വിനയന്‍.
ഇതിന്റെ രണ്ടാം ഭാഗം എടുക്കുകയാണെന്നും ഏപ്രിലില്‍ ചിത്രീകരണം ആരംഭിക്കുമെന്നും കാണിച്ച് വിനയന്‍ തന്നെയാണ് ഫേസ്ബുക്കില്‍ പോസ്റ്റ് ചെയ്തിരിക്കുന്നത്. ചിത്രത്തിലേക്ക് പുതുമുഖ നായികയെ തേടുന്നു എന്ന വിവരവും വിനയന്‍ ഇതോടൊപ്പം പങ്കുവെച്ചിട്ടുണ്ട്.
ബെന്നി പി നായരമ്പലത്തിന്റെ തിരക്കഥയില്‍ പുറത്തിറങ്ങിയ ആകാശഗംഗയില്‍ ദിവ്യ ഉണ്ണിയായരുന്നു യക്ഷിയുടെ വേഷത്തില്‍ എത്തിയത്. റിയാസ് ഹസ്സന്‍, മുകേഷ്, ഇന്നസെന്റ്, ജഗദീഷ്, ജഗതി, മയൂരി, സുകുമാരി, കല്‍പ്പന, രാജന്‍ പി ദേവ് എന്നിവരും ചിത്രത്തിന്റെ ഭാഗമായിരുന്നു. അന്തരിച്ച നടി മയൂരിയും ചിത്രത്തില്‍ ഒരു പ്രധാന കഥാപാത്രത്തെ അവതരിപ്പിച്ചിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
