നീണ്ട മുടി മുറിച്ച് വണ്ണം കുറച്ച് വന് മേക്കോവറിലാണ് ജൂണില് രജീഷ വിജയന് എത്തുന്നത്. സിനിമയ്ക്ക് വേണ്ടിയാണെങ്കില് കൂടി രജീഷ മുടി മുറിച്ചത് ആരാധകരില് ഭൂരിഭാഗം പേര്ക്കും ഇഷ്ടപ്പെട്ടിരുന്നില്ല. ചിത്രത്തിലെ ആദ്യ ഗാനം എത്തിയതോടെ ആരാധകര് രജീഷയ്ക്ക് ഫുള് സപ്പോര്ട്ടുമായി രംഗത്തെത്തിയിരിക്കുകയാണ്. പ്ലസ് ടുക്കാരിയായാണ് രജീഷ ആദ്യ ഗാനത്തില് എത്തുന്നത്.
ഫ്രൈഡേ ഫിലിം ഹൗസിന്റെ ഫേയ്സ്ബുക് പേജിലൂടെയാണ് ഗാനം പുറത്തുവിട്ടത്. ചിത്രത്തില് ജൂണ് എന്ന പെണ്കുട്ടിയായാണ് രജീഷ എത്തുന്നത്. പ്ലസ് ടു കാലത്തെ സഹപാഠിയോടുള്ള ജൂണിന്റെ പ്രണയമാണ് പാട്ടില് കാണിച്ചിരിക്കുന്നത്. മിന്നി മിന്നി എന്നു തുടങ്ങുന്ന ഗാനം അമൃത സുരേഷ് ആണ് ആലപിക്കുന്നത്. ഇഫ്തി സംഗീതം നല്കിയിരിക്കുന്ന ഗാനത്തിന് വിനായക് ശശികുമാര്, മനു മഞ്ജിത്ത്, അനു എലിബസത്ത് ജോസ് എന്നിവര് ചേര്ന്നാണ് വരികളെഴുതിയിരിക്കുന്നത്.
ഗാനം ആരാധകര് ഏറ്റെടുത്തിരിക്കുകയാണ്. സ്കൂള് പഠനകാലത്തെ നൊസ്റ്റാള്ജിയയിലേക്ക് ഗാനം തിരികെ കൊണ്ടുപോയി എന്നാണ് ആരാധകര് പറയുന്നത്. രജീഷയുടെ പ്രകടനത്തിനും മികച്ച പ്രതികരണമാണ് ലഭിക്കുന്നത്. രജീഷയുടെ അഭിനയം കണ്ട് ഓം ശാന്തി ഓശാനയിലെ നസ്രിയയെ ഓര്മവന്നെന്നും നിരവധി ആരാധകര് പറയുന്നുണ്ട്.
െ്രെഫഡെ ഫിലിം ഹൗസിന്റെ ബാനറില് അഹമ്മദ് കബീറാണ് സിനിമ സംവിധാനം ചെയ്യുന്നത്. ജൂണ് എന്ന ചിത്രത്തിനു വേണ്ടി രണ്ടു മാസത്തോളമെടുത്ത് ഏകദേശം ഒന്പതു കിലോയാണ് രജിഷ വിജയന് കുറച്ചത്. കഥാപാത്രത്തിന്റെ പൂര്ണതയ്ക്കായി രജീഷ തന്റെ പ്രിയപ്പെട്ട നീളമുള്ള മുടി മുറിക്കുകയും ചെയ്തു. രജീഷ നടത്തിയ മെക്കോവറിന്റെ വീഡിയോ ജൂണിന്റെ അണിയറ പ്രവര്ത്തകര് പുറത്തുവിട്ടിരുന്നു. പതിനേഴ് വയസ്സ മുതല് ഇരുപത്തിയഞ്ച് വയസ്സ് വരെയുള്ള ജൂണ് എന്ന പെണ്കുട്ടിയുടെ കഥയാണ് ചിത്രം.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
