ബിക്കിനിയിട്ട് ജോസഫ് നായിക ; രൂക്ഷ വിമർശനം, 'മലയാളികൾക്ക് നാണക്കേടുണ്ടാക്കരുതെന്ന്' മുന്നറിയിപ്പ്

ജോജു ജോർജ്ജ് നായകനായ ജോസഫ് എന്ന സിനിമയിലൂടെ പ്രശസ്തയായ നടിയാണ് ബാംഗ്ലൂർ സ്വദേശിനിയായ മാധുരി. നടി നടി കഴിഞ്ഞ ദിവസം തായ്‌ലൻഡിലെ ഫുക്കറ്റിലേക്ക് നടത്തിയ വിനോദയാത്രയുടെ ചിത്രങ്ങൾ സമൂഹമാധ്യമങ്ങളിൽ പങ്കുവച്ചു. ഇതിൽ തായ്‌ലൻഡിലെ കടൽത്തീരത്ത് ബിക്കിനി അണിഞ്ഞ് നിൽക്കുന്ന ചിത്രവും ഉണ്ടായിരുന്നു. 

മറ്റു ചിത്രങ്ങളെ പ്രശംസിച്ച ആരാധകർ, എന്നാൽ നീല ബിക്കിനി അണിഞ്ഞുള്ള ചിത്രത്തിന് താഴെ വിമർശനങ്ങളും കമന്റുകളുമായി രം​ഗത്തെത്തി. മലയാളികൾ അടക്കം ചിത്രത്തിൽ അശ്ലീല ചുവയോടെ വിമർശനം നടത്തി. അശ്ലീലം അതിരു കടന്നതോടെ ശക്തമായ പ്രതികരണവുമായി നടി രംഗത്തു വന്നു.

‘ബാത്തിങ് സ്യൂട്ടിൽ നിൽക്കുന്ന ഒരു അവധിക്കാലചിത്രം പങ്കു വച്ചാൽ ഇതാണോ അവസ്ഥ ? വെറുതെ മലയാളികൾക്ക് നാണക്കേടുണ്ടാക്കരുത്.’ നടി കുറിച്ചു. ഇതിനു പിന്നാലെ ഈ ചിത്രം താരം നീക്കം ചെയ്യുകയും ചെയ്തു. 

ബിക്കിനി ചിത്രം ഷെയർ ചെയ്തതിന് പിന്നാലെ നടിയെ ഫോളോ ചെയ്യുന്നവരുടെ എണ്ണത്തിലും വൻ വർധനയുണ്ടായിരുന്നു. മലയാളത്തിൽ ജയറാം നായകനായ  പട്ടാഭിരാമനിലാണ് മാധുരി ഇപ്പോൾ അഭിനയിച്ചു കൊണ്ടിരിക്കുന്നത്.