'ബൊമ്മി'യിലേക്കുള്ള യാത്ര; സൂരരൈ പോട്രിൽ അപർണ എത്തിയത് ഇങ്ങനെ (വീഡിയോ)

സൂരരൈ പോട്ര് സിനിമയിലേയ്ക്കുള്ള തന്റെ വരവും നടത്തിയ കഠിനാധ്വാനത്തെക്കുറിച്ചും വെളിപ്പെടുത്തി നടി അപർണ ബാലമുരളി. ബൊമ്മി എന്ന കഥാപാത്രത്തിലേക്കുള്ള തന്റെ യാത്രയുടെ അനുഭവങ്ങളും അപർണ പറയുന്നു. അണിയറ പ്രവർത്തകർ പുറത്തിറക്കിയ വീഡിയോയിലൂടെയാണ് നടി തന്റെ അനുഭവം വിവരിക്കുന്നത്. 

കഥാപാത്രമാകാൻ അപർണ എടുത്ത കഷ്ടപ്പാടും കഠിനാദ്ധ്വാനവും വീഡിയോയിലൂടെ കാണാനാകും. മധുര ഭാഷയാണ് ബൊമ്മി സംസാരിക്കുന്നത്. ഭാഷ പഠിക്കുന്നതിന്റെ ഭാഗമായി പ്രത്യേക പരിശീലകയും അപർണയ്ക്ക് ഉണ്ടായിരുന്നു.

ഏറെ മാസം നീണ്ടു നിന്ന പരിശീലനത്തിനും ക്ലാസുകൾക്കും ശേഷമാണ് അപർണയും മറ്റ് അഭിനേതാക്കളും ചിത്രത്തിൽ അഭിനയിച്ചത്. സൂര്യയാണ് ചിത്രത്തിൽ നായകൻ.