മമ്മൂട്ടിനായകനായി എത്തുന്ന മാസ് ആക്ഷന് ചിത്രം ഷൈലോക്കിന്റെ ഷൂട്ടിങ് പൂര്ത്തിയായി. അജയ് വാസുദേവ് സംവിധാനം ചെയ്യുന്ന ചിത്രത്തിന്റെ രണ്ട് മാസം നീണ്ട ചിത്രീകരണമാണ് പൂര്ത്തിയായത്. ചിത്രത്തിലെ അഭിനേതാക്കളും അണിയറ പ്രവര്ത്തകരും ചേര്ന്നിരിക്കുന്ന ചിത്രം പങ്കുവെച്ച് സംവിധായകനാണ് പാക്കപ്പായതായി അറിയിച്ചത്. മമ്മൂട്ടി ആരാധകര് വളരെ പ്രതീക്ഷയോടെ കാത്തിരിക്കുന്ന ചിത്രമാണ് ഇത്.
രാജാധിരാജ, മാസ്റ്റര്പീസ് എന്നിവയക്ക് ശേഷം മമ്മൂട്ടിയും അജയ് വാസുദേവും ഒന്നിക്കുന്ന ചിത്രമാണിത്. ആദ്യത്തെ രണ്ട് ചിത്രങ്ങളുടേത് പോലെ ഷൈലോക്കും ഒരു മാസ് ആക്ഷന് ഫാമിലി ചിത്രമായിരിക്കുമെന്ന് അജയ് നേരത്തെ വ്യക്തമാക്കിയിരുന്നു. നവാഗതരായ അനീഷ് ഹമീദ്, ബിബിന് മോഹന് എന്നിവരാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്.
മീന, രാജ്കിരണ്, ബിബിന് ജോര്ജ്, ബൈജു, സിദ്ദിഖ്, കലാഭവന് ഷാജോണ്, ഹരീഷ് കണാരന്, ജോണ് വിജയ് എന്നിവര് വിവിധ കഥാപാത്രങ്ങളെ അവതരിപ്പിക്കുന്നു. കൊച്ചിയും കോയമ്പത്തൂരുമായിരുന്നു ചിത്രത്തിന്റെ പ്രധാന ലൊക്കേഷനുകള്. ഗുഡ്വില് എന്റര്ടെയ്ന്മെന്റ്സിന്റെ ബാനറില് ജോബി ജോര്ജ് ആണ് നിര്മ്മാണം. ബിഗ് ബജറ്റില് ഒരുങ്ങുന്ന മാമാങ്കമാണ് മമ്മൂട്ടിയുടെ അടുത്ത ചിത്രം.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
