മീ ടൂ ക്യാമ്പെയിന്റെ ഭാഗമായി ചിലര്‍ നടത്തിയ 'വെളിപ്പെടുത്തലുകള്‍' വിശ്വസിക്കാന്‍ ബുദ്ധിമുട്ടുണ്ടെന്ന് നടി മഞ്ജിമാ മോഹന്‍. ചില ആരോപണങ്ങളില്‍ സത്യമുണ്ടെന്ന് തന്നെയാണ് വിശ്വാസം. തനിക്ക് അങ്ങനെയുള്ള അനുഭവങ്ങളൊന്നും സിനിമാ സെറ്റുകളില്‍ നിന്ന് നേരിടേണ്ടി വന്നിട്ടില്ലെന്നും താരം സ്വകാര്യ മാധ്യമത്തിന് നല്‍കിയ അഭിമുഖത്തില്‍ വെളിപ്പെടുത്തി.
ഗൗതംമേനോന്റെ 'അച്ചം യെന്‍പതു മഡമടിയാ' എന്ന ചിത്രത്തിലൂടെയാണ് മഞ്ജിമ താരപദവിയിലേക്ക് ഉയര്‍ന്നത്. സെറ്റുകളില്‍ നിന്ന് ദുരനുഭവങ്ങള്‍ ഉണ്ടായതായി ആരും തന്നോട് നേരിട്ട് വെളിപ്പെടുത്തിയിട്ടില്ലെന്നും മഞ്ജിമ പറഞ്ഞു. ഇതാദ്യമായാണ് മീടൂ ക്യാമ്പെയിനെയും തുറന്ന് പറച്ചിലുകളെയും കുറിച്ച് അവര്‍ സംസാരിക്കുന്നത്.
പലരുടെയും അനുഭവങ്ങള്‍ കേള്‍ക്കുമ്പോള്‍ രക്തം തിളച്ചു പോകുമെന്നും അത്രയേറെ അസ്വസ്ഥതയാണ് ചില വെളിപ്പെടുത്തലുകള്‍ കേള്‍ക്കുമ്പോള്‍ ഉണ്ടാകുന്നതെന്നും താരം തുറന്ന് പറഞ്ഞു. കങ്കണ സൂപ്പര്‍ഹിറ്റാക്കിയ ബോളിവുഡ് ചിത്രം ക്വീന്‍ ആണ് മഞ്ജിമയുടെ അടുത്ത മലയാള ചിത്രം. സംസം എന്ന പേരിലാണ് ചിത്രം മലയാളത്തില്‍ പുറത്തിറങ്ങുക.ചലച്ചിത്രലോകത്ത് നിന്നുമുണ്ടായ മീ ടൂ വെളിപ്പെടുത്തലുകള്‍ വലിയ കോളിളക്കം സൃഷ്ടിച്ചിരുന്നു
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
