മുസ്ലീം മതത്തില്‍പ്പെട്ടയാളെ വിവാഹം കഴിച്ചെന്ന് കരുതി മതം മാറണമെന്നില്ല എന്ന് തെന്നിന്ത്യന്‍ താരം പ്രിയാമണി. അതിനു വേണ്ടിയുള്ളതാണ് സ്‌പെഷല്‍ മാര്യേജ് ആക്ട് എന്നും അവര്‍ കൂട്ടിച്ചേര്‍ത്തു. തന്റെ അടുത്ത ചിത്രം 'ധ്വജ'യുമായി ബന്ധപ്പെട്ട് ടൈംസ് ഓഫ് ഇന്ത്യയ്ക്ക് നല്‍കിയ അഭിമുഖത്തിലെ ഒരു ചോദ്യത്തിനാണ് പ്രിയ തന്റെ സ്വകാര്യ ജീവിതത്തിലെ ചില തീരുമാനങ്ങളെക്കുറിച്ച് സംസാരിച്ചത്.
'ഞാന്‍ ജനിച്ചത് ഹിന്ദുവായിട്ടാണ്, മുസ്തഫ മുസ്‌ലിമും. ഞാന്‍ മതപരിവര്‍ത്തനം നടത്തും എന്നാണ് എല്ലാവരും കരുതിയത്. പക്ഷേ അതിന്റെ ആവശ്യമില്ല, അതിനാണ് സ്‌പെഷ്യല്‍ മാര്യേജ് ആക്ട് ഉള്ളത്'- പ്രിയാമണി വ്യക്തമാക്കി.
2017ലായിരുന്നു കൂട്ടുകാരനായ മുസ്തഫാ രാജും പ്രിയാ മണിയും തമ്മിലുള്ള വിവാഹം നടക്കുന്നത്. റജിസ്റ്റര്‍ വിവാഹത്തിനു ശേഷം ബെംഗൂരുവിലെ പ്രശസ്തമായ ഹോട്ടലില്‍ വിവാഹ സത്ക്കാരവും നടന്നു. രണ്ടു സമുദായത്തില്‍പെട്ടവര്‍ തമ്മില്‍ വിവാഹം കഴിച്ചു എന്നതിന്റെ പേരില്‍ ധാരാളം ട്രോളുകള്‍ക്ക് ഇരയായിട്ടുണ്ട് പ്രിയ. അത്തരം പ്രവണതകളെ എങ്ങനെ കാണുന്നു എന്ന ചോദ്യത്തിനാണ് പ്രിയ ഇങ്ങനെയൊരു മറുപടി പറഞ്ഞത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
