തനിക്ക് ലഭിക്കുന്ന കഥാപാത്രങ്ങളെ വളരെ ആത്മാര്‍ത്ഥമായി സമീപിക്കുന്ന നടനാണ് ജയസൂര്യ. കഥാപാത്രത്തിന്റെപൂര്‍ണതയ്ക്ക് വേണ്ടി എത്ര റിസ്‌ക് എടുക്കാനും താരം തയാറാകും. ഇത്തവണത്തെ മികച്ച നടനുള്ള പുരസ്‌കാരം നേടിയ ജയസൂര്യയുടെ ആത്മാര്‍ത്ഥതയെ പുകഴ്ത്തിക്കൊണ്ട് രംഗത്തെത്തിയിരിക്കുകയാണ് സുഹൃത്തും സംവിധായകനുമായ രഞ്ജിത്ത് ശങ്കര്‍.
രഞ്ജിത്ത് ശങ്കറിന്റെ ഞാന്‍ മേരിക്കുട്ടി, ക്യാപ്റ്റന്‍ എന്നീ സിനിമകളിലെ പ്രകടനത്തിനാണ് മികച്ച നടനുള്ള പുരസ്‌കാരം നേടിയത്. രണ്ട് ചിത്രത്തിന് വേണ്ടിയും ജയസൂര്യ ഒരുപാട് ബുദ്ധിമുട്ടി എന്നാണ് ഫേയ്‌സ്ബുക് പോസ്റ്റിലൂടെ രഞ്ജിത്ത് ശങ്കര്‍ പറഞ്ഞത്. 'ഫുട്‌ബോള്‍ എന്താണെന്നറിയാത്ത ഈ മനുഷ്യന്‍ ക്യാപ്റ്റനു വേണ്ടി മൂന്നു മാസം സിനിമ ചെയ്യാതെ ഫുട്‌ബോള്‍ പഠിച്ചു. മേരിക്കുട്ടി കാരണം കിട്ടിയ skin allergy ക്ക് ഇയാള്‍ ഇപ്പോഴും മരുന്നു കഴിച്ചു കൊണ്ടിരിക്കുന്നു. ചില അംഗീകാരങ്ങള്‍ ഒരു ആശ്വാസമാണ്.!' രഞ്ജിത്ത് ശങ്കര്‍ കുറിച്ചു.
കേരള ഫുട്‌ബോള്‍ ക്യാപ്റ്റന്‍ വി.പി സത്യനായിട്ടാണ് ക്യാപ്റ്റനില്‍ ജയസൂര്യ അഭിനയിച്ചത്. ട്രാന്‍സ്‌ജെന്‍ഡറായിട്ടാണ് മേരിക്കുട്ടിയില്‍ എത്തിയത്. രണ്ട് ചിത്രത്തിലും മികച്ച പ്രകടനമാണ് താരം കാഴ്ചവെച്ചത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
