പോപ് താരം ലേഡി ഗാഗയുടെ ട്വീറ്റ് കണ്ട് അന്തംവിട്ടിരിക്കുകയാണ് ഇന്ത്യന്‍ ആരാധകര്‍. 'ലോകാ സമസ്താ സുഖിനോ ഭവന്തു' എന്ന സംസ്‌കൃത മന്ത്രം കഴിഞ്ഞദിവസം അവര്‍ ട്വീറ്റുചെയ്തിരുന്നു. ട്വീറ്റ് വന്ന് അല്‍പസമയത്തിനുള്ളില്‍ തന്നെ ട്രോളുകളുടെ പെരുമഴയായി.
അതില്‍ ഏറ്റവും രസകരമായ ട്രോളുകള്‍ ഇന്ത്യന്‍ ആരാധകരുടേതെന്ന കാര്യത്തില്‍ സംശയവുമില്ല. ഗാഗയല്ല ഇനി മുതല്‍ ഗംഗയാണെന്് ചിലര്‍ റീട്വീറ്റ് ചെയ്തു. ചിലര്‍ അവരുടെ ഹിന്ദുത്വത്തെ സ്വാഗതം ചെയ്തു. ചിലര്‍ 'ജയ് ശ്രീറാം' എന്നു മറുപടി നല്‍കി. അതേസമയം, ലേഡി ഗാഗ സംഘിയാണോ എന്നും ചിലര്‍ ചോദിക്കുന്നുണ്ട്.
ലോകത്തെല്ലാവര്‍ക്കും സുഖവും സന്തോഷവും ഭവിക്കട്ടേയെന്നാണ് 'ലോകാ സമസ്താ സുഖിനോ ഭവന്തു' എന്ന മന്ത്രത്തിന്റെ അര്‍ഥം. ഇത് മനസിലാകാത്ത പലരും ഗാഗയുടെ അടുത്ത ആല്‍ബവുമായി ബന്ധപ്പെട്ടതാണോ ഇതെന്നു ചോദിച്ചും രംഗത്തെത്തി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
