പൂനം പാണ്ഡെ നായികയാകുന്ന പുതിയ ചിത്രം 'ദി ജേര്‍ണി ഓഫ് കര്‍മ'യുടെ ട്രെയ്‌ലറിനെതിരേ രൂക്ഷമായ വിമര്‍ശനം. ട്രെയിലറില്‍ നഗ്നതാ പ്രദര്‍ശനം ഏറിപ്പോയെന്ന് കാണിച്ചാണ് വിവാദ നായികയ്‌ക്കെതിരെയും ചിത്രത്തിലെ നായകന്‍ ശക്തി കപൂറിനെതിരെയും വിമര്‍ശനങ്ങള്‍ ഉയര്‍ന്നു വരുന്നത്.
ശക്തി കപൂര്‍ നായകനായെത്തുന്ന ചിത്രത്തിന്റെ പ്രമേയം അറുപതുകാരനും യുവതിയും തമ്മിലുള്ള പ്രണയമാണ്. ശക്തി കപൂറിനെതിരേയാണ് വിമര്‍ശനങ്ങള്‍ ഏറെയും. മകള്‍ ശ്രദ്ധ കപൂര്‍ മുന്‍നിര നായികയായി തിളങ്ങുന്ന സമയത്ത് എന്തിനാണ് ഇത്തരത്തിലുള്ള ചിത്രങ്ങളില്‍ അഭിനയിക്കുന്നതെന്നാണ് ശക്തി കപൂറിനോട് സമൂഹ മാധ്യമങ്ങളിലെ ചിലര്‍ ചോദിക്കുന്നത്.
നടന്‍ നാന പടേക്കറിനെതിരേ പീഡനാരോപണം ഉന്നയിച്ച നടി തനുശ്രീ ദത്തയെ പരിഹസിച്ച് കഴിഞ്ഞ ദിവസം ശക്തി കപൂര്‍ രംഗത്ത് വന്നിരുന്നു. വിഷയത്തില്‍ ശക്തിയുടെ പ്രതികരണം ആരാഞ്ഞ മാധ്യമ പ്രവര്‍ത്തകരോട് 'അത് പത്ത് വര്‍ഷം മുന്‍പ് നടന്ന സംഭവമല്ലേ; അന്ന് താന്‍ കുഞ്ഞായിരുന്നു എന്നാണ് ശക്തി കപൂര്‍ പ്രതികരിച്ചത്. ഇതും വലിയ വിമര്‍ശനങ്ങള്‍ക്കാണ് വഴിവച്ചത്.
ഇതിന് പിന്നാലെയാണ് പുതിയ ചിത്രത്തിന്റെ ട്രെയിലര്‍ പുറത്തിറങ്ങുന്നത്. ഇതോടെ ആരാധകര്‍ ശക്തി കപൂറിനെതിരേ തിരിഞ്ഞിരിക്കുകയാണ്. ഇതാദ്യമായല്ല ശക്തി കപൂര്‍ ഇത്തരം ചിത്രങ്ങളില്‍ അഭിനയിക്കുന്നത്.
2013ല്‍ റിലീസ് ചെയ്ത നഷ എന്ന ചിത്രത്തിന് ശേഷം പൂനം നായികയായി വരുന്ന ബോളിവുഡ് ചിത്രമാണ് 'ദ് ജേര്‍ണി ഓഫ് കര്‍മ'.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
