സമൂഹമാധ്യമങ്ങള്‍ നിത്യജീവിതത്തിലെ ഒഴിച്ചുകൂടാനാകാത്ത ഒന്നായി നമ്മുടെ ജീവിതത്തില്‍ മാറിയിട്ടുണ്ട്. സാധാരണ ചര്‍ച്ച ചെയ്യപ്പെടാതെ പോകുന്ന പല കാര്യങ്ങളും സോഷ്യല്‍ മീഡിയ നമ്മുടെ മുമ്പിലെത്തിക്കുന്നുണ്ട്. അതുപോലെ തന്നെ സമൂഹമാധ്യമങ്ങളില്‍ വരുന്ന വ്യാജവാര്‍ത്തകളിലൂടെ ജീവിതം നഷ്ടപ്പെടുന്ന നിരവധി പേരുമുണ്ട്.
സമൂഹമാധ്യമങ്ങള്‍ മൂര്‍ച്ചയേറിയ ഇരുതലവാള്‍ ആണെന്ന് പ്രേക്ഷകര്‍ക്ക് കാണിച്ചു തരുകയാണ് യുവേര്‍സ് ഷെയിംഫുളി എന്ന തമിഴ് ഹ്രസ്വ ചിത്രം. വ്യാജവാര്‍ത്തകളിലൂടെ ജീവിതം നഷ്ടപ്പെടുന്ന സാധാരണക്കാര്‍ക്ക് വേണ്ടിയാണ് ഈ ചിത്രം സമര്‍പ്പിക്കുന്നത്.
യാത്രക്കാരിയായി എത്തുന്ന പെണ്‍കുട്ടിയുടെ വ്യാജപരാതിയെ തുടര്‍ന്ന് ജീവിതം നഷ്ടമാകുന്ന ഒരു ക്യാബ് ഡ്രൈവറുടെ കഥയാണ് ചിത്രം പറയുന്നത്. സൗന്ദര്യ ബാല നന്ദകുമാര്‍ ആണ് പ്രധാനവേഷത്തില്‍ എത്തുന്നത്. വിഘ്‌നേശ് കാര്‍ത്തിക്, മാധവി തുടങ്ങിയവരാണ് മറ്റ് അഭിനേതാക്കള്‍. വിഘ്‌നേശ് കാര്‍ത്തിക് തന്നെയാണ് ചിത്രത്തിന്റെ സംവിധാനം നിര്‍വഹിച്ചിട്ടുള്ളത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
