കൊച്ചി: സിനിമയിലെ സ്ത്രീകളുടെ കൂട്ടായ്മയായ വിമന് ഇന് സിനിമ കളക്ടീവിന്റെ സഹായം തനിക്ക് വേണ്ടെന്ന് നടി ശ്വേത മേനോന്. സ്വയം പോരാടാന് അറിയാം. ചില കാര്യങ്ങളില് സ്വന്തം നിലപാടുകള്ക്കായി സ്വയം പോരാടണമെന്നും ശ്വേത പറഞ്ഞു.
മലയാള സിനിമയിലെ താരങ്ങളുടെ സംഘടനയായ അമ്മ തനിക്ക് നല്ല പിന്തുണയാണ് നല്കുന്നത്. മുന്പും തെറ്റുകള് കണ്ടപ്പോള് പ്രതികരിച്ചിട്ടുണ്ട്. വിമന് ഇന് സിനിമാ കളക്ടീവ് ഇപ്പോള് ജനിച്ചതല്ലേയെന്നും ശ്വേത. ഇതുകൂടാതെ ടെലിവിഷന് ചാനലുകളിലെ ഓണപരിപാടികള് ബഹിഷ്കരിക്കണമെന്ന് തന്നോട് ആരും ആവശ്യപ്പെട്ടിട്ടില്ലെന്നും ശ്വേത പറയുന്നു. ചാനല് പരിപാടികള് ബഹിഷ്കരിക്കുന്നത് സംബന്ധിച്ച് അങ്ങിനെ ഒരു അറിയിപ്പും തനിക്ക് ലഭിച്ചിട്ടില്ല.
ചാനല് പരിപാടികള് ബഹിഷ്കരിക്കണം എന്ന് പറഞ്ഞ് ഔദ്യോഗികമായി അറിയിപ്പ് ലഭിച്ചാല് മാത്രം അത് പരിഗണിക്കുമെന്നും ശ്വേത വ്യക്തമാക്കുന്നു. നടി ആക്രമിക്കപ്പെട്ട കേസില് ദിലീപിന്റെ അറസ്റ്റുമായി ബന്ധപ്പെട്ട കാര്യങ്ങള് മാധ്യമങ്ങള് റിപ്പോര്ട്ട് ചെയ്ത രീതിയില് പ്രതിഷേധിച്ച് താരങ്ങള് ചാനല് ചര്ച്ചകളില് നിന്നും വിട്ടുനില്ക്കുമെന്നായിരുന്നു വാര്ത്തകള് പ്രചരിച്ചിരുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
