തിരുവനന്തപുരം : പ്രഥ്വിരാജിന്റെ ക്രിസ്മസ് ചിത്രം 'വിമാനം' ഇന്റര്നെറ്റില് പ്രചരിക്കുന്നു. വെള്ളിയാഴ്ച തിയേറ്ററുകളില് എത്തിയ ചിത്രത്തിന്റെ വ്യാജപതിപ്പാണ് ഇന്റര്നെറ്റില് പ്രചരിക്കുന്നത്. തമിഴ് റോക്കേഴ്സ് എന്ന വെബ്സൈറ്റ് വഴിയാണ് ചിത്രത്തിന്റെ വ്യാജപതിപ്പ് പുറത്തായത്. സൈബര് സെല് സംഭവത്തില് അന്വേഷണം ആരംഭിച്ചു.
നേരത്തെ മോഹന്ലാല് ചിത്രം വില്ലന് റിലീസായതിന് പിന്നാലെ, ഇന്റര്നെറ്റില് പ്രചരിച്ചിരുന്നു. ഫ്രാന്സില് നിന്നായിരുന്നു ചിത്രം അപ്ലോഡ് ചെയ്തതെന്ന് അന്വേഷണത്തില് കണ്ടെത്തിയിരുന്നു. രാമലീല, ചങ്ക്സ്, സഖാവ് തുടങ്ങിയ സിനിമകളുടെയും വ്യാജപതിപ്പ് നേരത്തെ ഇന്റര്നെറ്റില് പ്രചരിച്ചിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
