'വീട്ടുകാരുടെ മുന്നില്‍ നിന്ന് പൊലീസ് കൊണ്ടുപോകുമ്പോള്‍ ഗൗരവം മനസിലാകും, ക്ഷമാപണവും കരച്ചിലുമൊന്നും സഹായിക്കില്ല'

സിനിമ- സീരിയല്‍ നടിമാരെ സോഷ്യല്‍ മീഡിയയില്‍ അധിക്ഷേപിക്കുന്നവര്‍ക്ക് മുന്നറിയിപ്പുമായി നടി ശാലു കുര്യന്‍. നടിമാരുടെ ഫേക്ക് പ്രൊഫൈലുണ്ടാക്കുകയും അശ്ലീല ചിത്രങ്ങളും വിഡിയോകളും പ്രചരിപ്പിക്കുകയും ചെയ്യുന്നവര്‍ സൈബര്‍ പൊലീസിന്റെ പിടിയിലാകുമെന്നാണ് ഫേയ്‌സ്ബുക്കില്‍ പോസ്റ്റ് ചെയ്ത കുറിപ്പില്‍ പറയുന്നത്. സിനിമയിലും ടിവിയിലും ജോലി ചെയ്യുന്നു എന്നു കരുതി തങ്ങള്‍ ധാര്‍മ്മികതയില്‍ വിട്ടുവീഴ്ച ചെയ്യുന്നില്ലെന്നും ഞങ്ങളെക്കുറിച്ച് കേള്‍ക്കുന്ന കഥകള്‍ നുണ പ്രചരണങ്ങള്‍ മാത്രമാണെന്നും താരം പറയുന്നു. 

ലോകത്തിന്റെ ഏത് കോണില്‍ ഇരുന്ന്  ഇത് ചെയ്താലും പൊലീസ് കണ്ടെത്തും. മാതാപിതാക്കള്‍ക്കും ഭാര്യയുടേയും കുട്ടികളുടേയും മുന്നില്‍ നിന്ന് പൊലീസ് പിടിച്ചുകൊണ്ടു പോയാലെ ചെയ്തതിന്റെ ഗൗരവം നിങ്ങള്‍ക്ക് മനസിലാകുകയൊള്ളൂവെന്നും താരം വ്യക്തമാക്കി. അറസ്റ്റ് ചെയ്തു കഴിഞ്ഞാല്‍ ക്ഷമാപണം നടത്തിയിട്ടും കരഞ്ഞിട്ടും കാര്യമില്ലെന്നും ശാലു കൂട്ടിച്ചേര്‍ത്തു.

ശാലു കുര്യന്റെ ഫേയ്‌സ്ബുക്ക് പോസ്റ്റ് വായിക്കാം

ആർട്ടിസ്റ്റുകളുടെ പേജിലും ചിത്രങ്ങളിലും അശ്ലീലവും അനുചിതവുമായ അഭിപ്രായങ്ങൾ പോസ്റ്റുചെയ്യുന്ന ആളുകൾ ഇത് നിങ്ങളുടേതുപോലുള്ള ഒരു തൊഴിലാണെന്ന് മനസ്സിലാക്കുക. ടിവിയിലും സിനിമാ വ്യവസായത്തിലും ആയിരിക്കുന്നതിലൂടെ ഞങ്ങൾ ഞങ്ങളുടെ ധാർമ്മികതയിലും വിട്ടുവീഴ്ച ചെയ്യുന്നുണ്ടന്നു അർത്ഥമാക്കുന്നില്ല. ഞങ്ങളെ കുറിച്ച് നിങ്ങൾ ധാരാളം വ്യാജ കഥകൾ കേൾക്കുന്നുണ്ടാകും അവ ഗൗരവമായി എടുക്കുക്കേണ്ടതില്ല കാരണം അവയിൽ മിക്കതും നുണ പ്രചാരണങ്ങൾ ആണ് . സൈബർ നിയമങ്ങൾ‌ കൂടുതൽ‌ കർശനമാക്കിയിട്ടുണ്ടന്നു അറിഞ്ഞിരിക്കുക. നിങ്ങളുടെ മാതാപിതാക്കൾ, ഭാര്യ, കുട്ടികൾ എന്നിവരുടെ മുന്നിൽ പെട്ടെന്നു പോലീസ് വന്ന് നിങ്ങളെ വീട്ടിൽ നിന്ന് കൊണ്ടുപോകുമ്പോൾ മാത്രമേ നിങ്ങൾ ചെയ്യ്തതിന്റെ ഗൗരവവും പ്രത്യാഘാതങ്ങളും നിങ്ങൾക്ക് അറിയാൻ കഴിയൂ, ഒപ്പം നിങ്ങളുടെ അടുത്ത ആളുകൾ നിങ്ങളുടെ പ്രവർത്തികളെ പറ്റി അറിയുകയും ലജ്ജിക്കുകയും ചെയ്യും, നിങ്ങൾ സഹിക്കേണ്ടിവരുന്ന കഷ്ടത മറക്കരുത് നിങ്ങളുടെ ആനന്ദത്തിനു വേണ്ടി കുറ്റകരമായ ഇത്തരം പ്രവർത്തി ചെയ്‌യേണ്ടി വരുമ്പോൾ ഓർക്കുക നിങ്ങൾക്ക് സാമ്പത്തികമായും കേസ് പരം ആയിട്ടും ഒരുപാടു കഷ്ടതകൾ അനുഭവിക്കേണ്ടി വരും . യൂട്യൂബിലും മറ്റ് സോഷ്യൽ മീഡിയകളിലും വീഡിയോകളും ചിത്രങ്ങളും മറ്റും edit ചെയ്ത് slow motion il zoom ചെയ്യുകയും ചെയ്ത് പോസ്റ്റുചെയ്യുകയും ചെയ്യുന്ന ആളുകൾക്കും കൂടാതെ ലിങ്കിൽ അഭിപ്രായമിടുകയും പോസ്റ്റുചെയ്യുകയും ചെയ്യുന്ന ആളുകൾക്കും ഇത് ബാധകമാണ്. നിങ്ങളുടെ channel നു സബ്സ്ക്രിപ്ഷൻ കിട്ടാനും like ഉം share ഉം കൂട്ടാനും ഒക്കെ ആവാം നിങ്ങൾ ഇത് ചെയ്യുന്നത്.. എന്നാൽ പോലീസും സൈബർ കേസ് നടപടികളും ആരംഭിച്ചുകഴിഞ്ഞാൽ നിങ്ങൾ ഇത് ഒരിക്കലും ചെയ്‌തിട്ടില്ലെന്ന് നിങ്ങൾ ആഗ്രഹിക്കും.

കേസ് രജിസ്റ്റർ ചെയ്യപ്പെട്ടിട്ടുണ്ടെന്നും അതിനാൽ ഫലം വരുന്നതുവരെ കാത്തിരിക്കുക, നിങ്ങൾ ലോകത്തിന്റെ ഏത് ഭാഗത്തു ആണ് പ്രവർത്തിക്കുന്നത് എങ്കിലും നിങ്ങളെ വളരെ എളുപ്പം സൈബർ പോലീസ് നു കണ്ടുപിടിക്കാൻ സാധിക്കുന്നതാണ്. അങ്ങനെ സംഭവിച്ചാൽ നിങ്ങളെ മാത്രമല്ല, നിങ്ങളുടെ ജോലിയെയും പഠനത്തെയും ബാധിക്കും , സോഷ്യൽ മീഡിയ വളരെ ശക്തവും ഇരുതല മൂർച്ചയുള്ള വാളും ആണ്. സ്ത്രീകളെ കുറിച്ച് മോശം വാക്കുകൾ, ചിത്രങ്ങൾ, വീഡിയോകൾ എന്നിവ പോസ്റ്റുചെയ്യുന്നതിന് മുമ്പ് വരും വരായ്കകളെ കുറിച്ച് ചിന്ദിക്കുക. നിങ്ങൾ പിന്നീട് post ചെയ്യ്ത content ഇല്ലാതാക്കുകയാണെങ്കിൽപ്പോലും, പോസ്റ്റുചെയ്ത ആളെ കണ്ടെത്താനും അത് തിരികെ നേടാനും ഒരു കേസ് ഫ്രെയിം ചെയ്യാനും പോലീസിന് കഴിയും. അറസ്റ്റുചെയ്തുകഴിഞ്ഞാൽ ക്ഷമിക്കണം, കരയുക എന്നിവയൊന്നും സഹായിക്കില്ല. സൈബർ പോലീസ് കർശനമായിത്തീർന്നു, കുറ്റവാളികളെ മുമ്പത്തേതിനേക്കാൾ വേഗത്തിൽ പിടികൂടും. ഇത് ഒരു എളിയ അഭ്യർത്ഥനയായി എടുക്കുക. ഈ തൊഴിലിൽ ഇത്തരം പ്രശ്‌നങ്ങൾ നേരിടുന്ന എല്ലാ വനിതാ കലാകാരികൾക്കും വേണ്ടി