തിരുവനന്തപുരം: മുന്‍ ഇന്ത്യന്‍ നായകന്‍ വിപി സത്യന്റെ കഥ പറഞ്ഞ ക്യാപ്റ്റന്‍ സിനിമയുടെ വിജയത്തിന് പിന്നാലെ, ജയസൂര്യയും പ്രജേഷ് സെന്നും വീണ്ടും ഒന്നിക്കുന്നു. ഇരുവരും ഒന്നിക്കുന്ന പുതിയ ചിത്രത്തിന്റെ ഫസ്റ്റ് ലുക്ക് പോസ്റ്റര്‍ പുറത്തുവിട്ടു.
വെള്ളം എന്നാണ് ചിത്രത്തിന്റെ പേര്. ചിത്രത്തിന്റെ കഥയും സംവിധായകന്‍ പ്രജേഷ് സെന്നാണ്. സംവിധായകന്‍ പ്രജേഷ് സെന്‍ ഫെയ്‌സ്ബുക്കിലൂടെയാണ് പോസ്റ്റര്‍ പുറത്തുവിട്ടത്.
ക്യാപ്റ്റന്‍ എന്ന ചിത്രത്തില്‍ ജയസൂര്യയുടെ വേഷം ഏറെ പ്രേക്ഷ്‌ക പ്രതീതി നേടിയിരുന്നു. ചിത്രം ഇറങ്ങി ഒരു വര്‍ഷമാകുമ്പോഴാണ് ഇരുവരും വീണ്ടും ഒരുമിക്കുന്ന വാര്‍ത്തയെത്തുന്നത്. നമ്പി നാരായണന്റെ ജീവിത കഥ പറയുന്ന ചിത്രം റോക്ക്റ്ററി: ദി നമ്പി എഫക്റ്റിന്റെ സഹ സംവിധായകനുമാണ് പ്രജേഷ് സെന്‍.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
