വെള്ളേപ്പം ചുട്ട് റോമ; തിരിച്ചുവരവ് മൂന്ന് വർഷത്തിന് ശേഷം; വിഡിയോ

ഒരുകാലത്ത് മലയാളത്തിലെ മുൻനിര നടിയായിരുന്നു റോമ. നിരവധി ഹിറ്റ് ചിത്രങ്ങളിൽ ഭാ​ഗമായ താരം കുറച്ചുവർഷങ്ങളായി അകന്നു നിൽക്കുകയാണ്. മൂന്ന് വർഷങ്ങൾക്കുശേഷം വീണ്ടും മലയാള സിനിമയിലേക്ക് തിരിച്ചുവരികയാണ്. നവാഗതനായ പ്രവീൺ രാജ് പൂക്കാടൻ സംവിധാനം ചെയ്യുന്ന വെള്ളേപ്പം എന്ന സിനിമയിലൂടെയാണ് താരം വരുന്നത്. സിനിമയുടെ ലൊക്കേഷനിലെ രസകരമായ നിമിഷങ്ങൾ ഉൾപ്പെടുത്തിക്കൊണ്ടുള്ള മേക്കിങ് വിഡിയോയും പുറത്തുവന്നു.

റോമയുടെ ഡാൻസും കളിചിരിയുമെല്ലാം വിഡിയോയിൽ കാണാം. ചുരിദാറ് ധരിച്ച് നാടൻ ലുക്കിലാണ് റോമ എത്തുന്നത്. റോമയെ കൂടാതെ അക്ഷയ് രാധാകൃഷ്ണൻ ,നൂറിൻ ഷെരിഫ് എന്നിവരാണ് പ്രധാനകഥാപാത്രങ്ങളാകുന്നത്. ചിത്രത്തില്‍ അക്ഷയ്‌യുടെ സഹോദരിയായിട്ടാണ് റോമ എത്തുന്നു.

ഷൈൻ ടോം ചാക്കോ, കൈലാഷ്, സാജിദ് യഹിയ, വൈശാഖ്  രാജൻ, ഫായിഎം, ശ്രീജിത്ത്‌ രവി, അലീന, ക്ഷമ എന്നിവർ മറ്റ് പ്രധാന വേഷത്തിൽ എത്തുന്ന ചിത്രത്തിന്റെ സംഗീതം വർഷങ്ങൾക്ക് ശേഷം എസ് പി വെങ്കിടേഷ് നിർവഹിക്കുന്നു. രഞ്ജിത്ത് ടച്ച്റിവർ എഡിറ്റിങ്ങും ശിഹാബ് ഓങ്ങല്ലൂർ ക്യാമറെയും കൈകാര്യം ചെയ്യുന്നു. ജിൻസ് തോമസ് ദ്വാരക് ഉദയ്ശങ്കർ  എന്നിവരാണ് നിർമാണം.