കൊച്ചി: മലയാള സിനിമയില്‍ ആഭ്യന്തര പരാതി സെല്‍ വേണമെന്ന് ആവശ്യപ്പെട്ട് വിമന്‍ ഇന്‍ സിനിമാ കളക്ടീവ് ഹൈക്കോടതിയെ സമീപിക്കും. റിമ കല്ലിങ്കലും പദ്മപ്രിയയുമാണ് ഷൂട്ടിംങ് സൈറ്റുകളില്‍ പരാതി പരിഹാര സെല്ലുകള്‍ വേണമെന്ന ആവശ്യമുന്നയിച്ച് കോടതിയെ സമീപിക്കുന്നത്. അഭിനേതാക്കളുടെ സംഘടനയായ അമ്മയെയും സര്‍ക്കാരിനെയും എതിര്‍രക്ഷികളാക്കിയാണ് ഹര്‍ജി. ഹര്‍ജി നാളെ കോടതി പരിഗണിക്കും
ഡബ്ല്യുസിസി കൊച്ചിയില്‍ നടത്തിയ വാര്‍ത്താ സമ്മേളനത്തില്‍ ഷൂട്ടിംങ് സൈറ്റില്‍ വച്ച് പ്രൊഡക്ഷന്‍ കണ്‍ട്രോളറില്‍ നിന്നും തനിക്ക് ദുരനുഭവം ഉണ്ടായെന്ന് നടി അര്‍ച്ചനാ പദ്മിനി വെളിപ്പെടുത്തിയിരുന്നു. ഇതിന് പിന്നാലെ ചലച്ചിത്രമേഖലയില്‍ നിന്ന് ചൂഷണം നേരിടേണ്ടി വരുന്നുവെന്ന് മറ്റുള്ള സ്ത്രീകളും തുറന്ന് പറച്ചില്‍ നടത്തിയിരുന്നു.
തന്റെ ചിത്രങ്ങളുടെ ഷൂട്ടിംങ് ലൊക്കേഷനില്‍ ഇന്റേണല്‍ കംപ്ലെയിന്റ് കമ്മിറ്റി പ്രവര്‍ത്തിക്കുമെന്ന് സംവിധായകന്‍ ആഷിഖ് അബു വ്യക്തമാക്കിയിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
