സഹോദരന്റെ വിവാഹവേദിയിൽ കാമുകനൊപ്പം സുസ്മിതയുടെ നൃത്തം; ചിത്രങ്ങളും വിഡിയോയും പങ്കുവച്ച് താരം 

ബോളിവുഡ് താരവും മുന്‍ വിശ്വസുന്ദരിയുമായ സുസ്മിത സെന്നിന്റെ സഹോദരന്‍ രാജീവ് സെന്നും ടെലിവിഷന്‍ താരം ചാരു അശോപയും വിവാഹിതരായി. ​ഗോവയിൽ വച്ച് ബംഗാളി ആചാരപ്രകാരമായിരുന്നു ചടങ്ങുകള്‍. അടുത്ത ബന്ധുക്കളും സുഹൃത്തുക്കളും മാത്രമാണ് ചടങ്ങുകളിൽ പങ്കെടുത്തത്. 

ഇരുവരുടെയും വിവാഹചിത്രങ്ങൾ സമൂഹമാധ്യമങ്ങളിലൂടെ പൂറത്തുവന്നു. ജൂലൈ 11 ന് മുംബൈയിലെ ഒരു രജിസ്റ്റര്‍ ഓഫീസില്‍ രാജീവും ചാരുവും ഔദ്യോഗികമായി വിവാഹം ചെയ്തിരുന്നു. 

കാമുകന്‍ റോഹ്മാന്‍ ഷോളിനും രണ്ട് മക്കൾക്കും ഒപ്പമാണ് സുസ്മിത വിവാഹാഘോഷങ്ങളിൽ പങ്കെടുത്തത്. വിവാഹസത്കാര വേദിയിൽ കാമുകനൊപ്പം സുസ്മിത ചുവടുവയ്ക്കുകയും ചെയ്തു. ഇതിന്റെ വിഡിയോയും സുസ്മിത തന്നെ പങ്കുവച്ചു.