മലയാളം സിനിമയിലൂടെ എത്തി തെന്നിന്ത്യയിലെ മുന്‍നിര നായികയായിരിക്കുകയാണ് സായി പല്ലവി. ധനുഷ് നായകനായ മാരി 2 റിലീസ് ചെയ്യുന്നതോടെ സായി പല്ലവിയുടെ സ്ഥാനം കൂടുതല്‍ ഉയരുമെന്നാണ് പ്രതീക്ഷിക്കുന്നത്. ശക്തമായ കഥാപാത്രങ്ങളിലൂടെയാണ് താരം ആരാധകരുടെ മനസു കവര്‍ന്നത്. ഇപ്പോള്‍ നക്‌സലൈറ്റായി ആരാധകരെ ഞെട്ടിക്കാന്‍ ഒരുങ്ങുകയാണ് സായി പല്ലവി.
പുതിയ തെലുങ്ക് ചിത്രത്തിലാണ് താരം നക്‌സലൈറ്റായി എത്തുന്നത്. തെന്നിന്ത്യന്‍ സൂപ്പര്‍താരം റാണ ദഗ്ഗുബാട്ടിയാണ് ചിത്രത്തിലെ നായകന്‍. വേണു ഉദ്ദുകാല സംവിധാനം ചെയ്യുന്ന ചിത്രത്തിന് വിരാട പര്‍വ്വം 1992 എന്നാണ് പേരിട്ടിരിക്കുന്നത്. പൊലീസ് ഓഫീസറായാണ് റാണ എത്തുന്നത്.
തൊണ്ണൂറുകളുടെ കാലഘട്ടത്തിലുള്ള ചിത്രം പോലീസ് ഓഫീസറും നക്‌സലൈറും തമ്മിലുള്ള പ്രണയകഥയാണ് പറയുന്നത്. എന്നാല്‍ പ്രണയം മാതമല്ല രാഷ്ട്രീയവും ആക്ഷനും ചിത്രത്തിന്റെ പ്രധാന ആകര്‍ഷണങ്ങളാണെന്ന് അണിയറ പ്രവര്‍ത്തകര്‍ പറയുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
