ഷാറൂഖ് ആരാധകർ ഏറെ പ്രതീക്ഷയോടെ കാത്തിരിക്കുന്ന ചിത്രമാണ് സീറോ. രൂപത്തിലും ഭാവത്തിലും താരം വേറിട്ട ഗെറ്റപ്പില്‍ എത്തുന്ന ചിത്രം ഇതിനകം തന്നെ ഏറെ ശ്രദ്ധനേടിക്കഴിഞ്ഞു. എന്നാൽ അടുത്തിടെ ചിത്രത്തിന്റെ പ്രമോഷന്റെ ഭാഗമായി നടന്ന ഒരു പരിപാടിയിൽ സീറോ പ്രതീക്ഷിച്ച വിജയം നേടിയില്ലെങ്കില്‍ എന്തു ചെയ്യും എന്ന ചോദ്യത്തിന് താരം നൽകിയ മറുപടിയാണ് ആരാധകരെ ആശങ്കയിലാക്കിയിരിക്കുന്നത്.
സിറോ വിജയിച്ചില്ലെങ്കിൽ ഒരുപക്ഷേ ഒരു തിരിച്ച് വരവ് ഉണ്ടായേക്കില്ലെന്നായിരുന്നു ഷാരൂഖിന്റെ മറുപടി. സീറോ പരാജയപ്പെടുകയാണെങ്കില്‍ ചിലപ്പോള്‍ അടുത്ത ആറോ പത്തോ മാസത്തേക്ക് എനിക്ക് സിനിമ കിട്ടില്ലായിരിക്കും. എന്റെ കഴിവിലും കലയിലും എനിക്ക് വിശ്വാസമുണ്ടെങ്കില്‍ ഞാന്‍ തിരിച്ചുവരവ് നടത്തിയേക്കാം. അല്ലെങ്കില്‍ ഒരുപക്ഷേ തിരിച്ചു വരില്ലായിരിക്കാം''-ഷാരുഖ് നൽകിയ മറുപടി ഇങ്ങനെ.
കുള്ളന്‍ കഥാപാത്രമായി ഷാറൂഖ് ഖാന്‍ ആദ്യമായി വെള്ളിത്തിരയിലെത്തുന്നു എന്ന പ്രത്യേകതയാണ് ചിത്രത്തെക്കുറിച്ചുള്ള ആവേശത്തിന് പിന്നില്‍. കിംഗ് ഖാനൊപ്പം അനുഷ്‌കയും കത്രീനയും നായികമാരായെത്തുന്ന ചിത്രം പ്രഖ്യാപിച്ച ദിനം മുതല്‍ വാര്‍ത്തകളില്‍ ഇടംനേടിയതാണ്.
ഹിമാന്‍ഷു ശര്‍മ്മയാണ് ചിത്രത്തിന്റെ തിരക്കഥ രചിച്ചത്. ദീപിക പദുക്കോണ്‍, റാണി മുഖര്‍ജി, കജോള്‍ എന്നിവര്‍ അതിഥി വേഷത്തില്‍ എത്തുന്നു എന്ന പ്രത്യേകത കൂടിയുണ്ട് ചിത്രത്തിന്. ഗൗരി ഖാന്‍ ആണ് നിര്‍മ്മാണം. ചിത്രത്തിന്റെ പാട്ടുകളും ട്രെയ്ലറും ഇതിനോടകം ശ്രദ്ധ നേടിയിരുന്നു. ഡിസംബര്‍ 21ന് ചിത്രം തിയ്യറ്ററുകളില്‍ എത്തും.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
