സുജാത പാടി, അമ്മയായി ലെന; മാതൃദിനത്തിൽ ഉള്ളം തുളുമ്പുന്ന ആൽബവുമായി ധർമ്മജൻ (വിഡിയോ) 

'കുഞ്ഞിക്കാലടി ഒച്ച കേൾക്കുമ്പോൾ...' എന്ന് തുടങ്ങുന്ന ​ഗാനമാണ് മാതൃദിനത്തിൽ യൂട്യൂബിൽ വൈറലാകുന്നത്. അമ്മമാനസം എന്ന പേരിൽ ഹരി പി നായരും സംഘവും ചേർന്ന് ഒരുക്കിയ ആൽബം അമ്മമാർക്കുള്ള സമർപ്പണമാണ്. മലായാളികളുടെ പ്രിയ​ഗായിക സുജാത മോഹനാണ് ​ഗാനം ആലപിച്ചിരിക്കുന്നത്. 

നടി ലെനയാണ് ആൽബത്തിൽ പ്രധാന വേഷം കൈകാര്യം ചെയ്തിരിക്കുന്നത്. അമ്മ, മുത്തശ്ശി എന്നീ കഥാപാത്രങ്ങളായാണ് ലെന എത്തുന്നത്. 
ബാല​ഗോപാൽ സം​ഗീതം നിർവഹിച്ചിരിക്കുന്ന പാട്ടിന്റെ  രചനയും സംവിധാനവും ഹരി പി നായരാണ്. നടൻ ധർമജൻ ബോൾഗാട്ടിയാണ് ആൽബം നിർമ്മിച്ചിരിക്കുന്നത്.