സ്വിംസ്യൂട്ട് ധരിച്ചുള്ള ചിത്രങ്ങളെ വിമര്‍ശിച്ചവര്‍ക്ക് വീണ്ടും നീന്തല്‍ വേഷത്തില്‍ ചിത്രങ്ങളിട്ട് മറുപടി നല്‍കി ഗായിക സോന മൊഹപത്ര. 2020നെ സ്വാഗതം ചെയ്തുകൊണ്ട് സോന കഴിഞ്ഞ ദിവസം പങ്കുവച്ച സ്വിംസ്യൂട്ട് ചിത്രത്തിനുനേരെ ഏറെ വിമര്‍ശനമുയര്‍ന്നിരുന്നു. അവധിയാഘോഷത്തിനിടെ പകര്‍ത്തിയ ചിത്രങ്ങളിലൊന്നാണ് താരം പങ്കുവച്ചത്.
പ്രകോപിപ്പിക്കുന്ന തരത്തില്‍ വേഷം ധരിക്കുകയും മീ ടൂ എന്ന് പറഞ്ഞു കരയുകയും ചെയ്യും എന്ന് ആക്ഷേപിച്ച് സോനയ്‌ക്കെതിരെ നിരവധി പേരാണ് രംഗത്തെത്തിയത്. ചിലരാകട്ടെ സോനയെപ്പോലെ ഗൗരവത്തോടെ കാര്യങ്ങളെ സമീപിക്കുന്ന ഒരാളില്‍ നിന്ന് പ്രതീക്ഷിക്കാത്തത് കണ്ടു എന്ന തരത്തിലാണ് അഭിപ്രായപ്രകടനം നടത്തിയത്. കൂടുതല്‍ ബിക്കിനി ചിത്രങ്ങള്‍ പങ്കുവച്ചുകൊണ്ടാണ് ഇക്കൂട്ടര്‍ക്കൊക്കെ സോന മറുപടി നല്‍കിയത്. താന്‍ ആരും നിശ്ചയിക്കുന്ന ബോക്‌സിനുള്ളിലേക്ക് പരുവപ്പെടാന്‍ ഉദ്ദേശിക്കുന്നില്ലെന്നും സോന കുറിച്ചിരുന്നു.
ഇതിനുപിന്നാലെ ഹെയര്‍സ്റ്റൈലിസ്റ്റും മുന്‍ ബിഗ് ബോസ് താരവുമായ സപ്‌ന ഭവാനിയുമായി താരം ട്വിറ്റര്‍ യുദ്ധത്തിലും ഏര്‍പ്പെട്ടു. കുറച്ചു വസ്ത്രം ധരിക്കുകയും അത് ഫെമിനിസമാണെന്ന് ധരിക്കുകയും ചെയ്യുന്നവരെക്കൊണ്ട് മടുത്തെന്നും പുതിയ വീക്ഷണങ്ങള്‍ കാണാനാഗ്രഹിക്കുന്നെന്നും കുറിച്ചുള്ള സപ്‌നയുടെ ട്വീറ്റാണ് സോനയെ പ്രകോപിപ്പിച്ചത്. ഇത് ഇരുവര്‍ക്കുമിടയില്‍ സമൂഹമാധ്യമത്തില്‍ തുറസ്സായ ഒരു വാക്ക്‌പോരിനാണ് വഴിവച്ചത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
