ഹോ ! നമിച്ചു ; റസ്ലിങ് റിങ്ങിലിറങ്ങി ദശമൂലം ദാമൂ, അഭിനന്ദിച്ച് സുരാജ് (വിഡിയോ)

റസ്ലിങ് റിങിലേക്ക് മുഷ്ടി ചുരുട്ടി അലറിയെത്തുന്ന ദശമൂലം ദാമുവാണ് സമൂഹമാധ്യമങ്ങളില്‍ വൈറലാവുന്നത്. ശ്രീരാജ് എന്നയാളാണ് മനോഹരമായ എഡിറ്റഡ് വിഡിയോ ഫേസ്ബുക്കിലിട്ടത്. ഇത് സുരാജ് വെഞ്ഞാറമ്മൂടും പങ്കുവച്ചതോടെ ആരാധകര്‍ ദാമുവിനെ വീണ്ടും ഏറ്റെടുക്കുകയായിരുന്നു. വിഡിയോ പങ്കുവച്ചതിനൊപ്പം ട്രോളന്‍മാര്‍ക്ക് നന്ദി പറയാനും താരം മറന്നില്ല.

'ചട്ടമ്പിനാട്' എന്ന ചിത്രത്തിലൂടെയാണ് ദശമൂലം ദാമുവെന്ന സുരാജിന്റെ കഥാപാത്രം ആരാധകരുടെ ഹൃദയത്തില്‍ ഇടം നേടിയത്. ദാമുവില്ലാതൊരു ട്രോളിനെ കുറിച്ച് പലര്‍ക്കും ചിന്തിക്കാന്‍ പോലും കഴിയില്ലെന്നതാണ് മറ്റൊരു വസ്തുത.