ശാരീരിക ആക്രമണം, രണ്ട് പ്രതികൾ 60,000 ദിർഹം പിഴ അടയ്ക്കണം; ശിക്ഷ വിധിച്ച് അബുദാബി കോടതി

അബുദാബി: ശാരീരിക ആക്രമണം നടത്തിയ കേസിൽ പ്രതികളെ ശിക്ഷിച്ച് അബുദാബി ഫാമിലി, സിവിൽ, അഡ്മിനിസ്ട്രേറ്റീവ് ക്ലെയിംസ് കോടതി. 60,000 ദിർഹം (ഏകദേശം 15 ലക്ഷം ഇന്ത്യൻ രൂപ) പിഴയാണ് പ്രതികളായ രണ്ട് പേർക്ക് കോടതി വിധിച്ച ശിക്ഷ.

ശാരീരികമായി ആക്രമണം നടത്തിയ പുരുഷന്മാരായ രണ്ട് പേരും നഷ്ടപരിഹാരം നൽകാൻ ബാദ്ധ്യസ്ഥരാണെന്ന് കോടതി നിരീക്ഷിച്ചു.

ശാരീരിക ഉപദ്രവമുണ്ടാക്കിയ ആക്രമണത്തിന് രണ്ട് പുരുഷന്മാർ ബാധ്യസ്ഥരാണെന്ന് അബുദാബി കോടതി കണ്ടെത്തിയതിനെത്തുടർന്ന് 60,000 ദിർഹം നഷ്ടപരിഹാരം നൽകാൻ ഉത്തരവിട്ടു.

ആക്രമണത്തിന്റെ ഫലമായുണ്ടായ ശാരീരികവും മാനസികവുമായ വിഷമങ്ങൾക്ക് അക്രമത്തിന് ഇരയായ വ്യക്തി സമർപ്പിച്ച സിവിൽ കേസിൽ ആണ് കോടതി വിധി.100,000 ദിർഹം നഷ്ടപരിഹാരം ആവശ്യപ്പെട്ടായിരുന്നു അക്രമത്തിന് ഇരയായ വ്യക്തി കോടതിയെ സമീപിച്ചത്.

കോടതി രേഖകൾ കാണിക്കുന്നത് ഇവർ ഇതിനകം തന്നെ ക്രിമിനൽ കേസിൽ ശിക്ഷിക്കപ്പെട്ടവരാണെന്ന് അൽഖലീജിനെ ഉദ്ധരിച്ച് ഗൾഫ് ന്യൂസ് റിപ്പോർട്ട് ചെയ്യുന്നു. ആക്രമണ കേസിൽ ഇവർ കുറ്റക്കാരാണെന്ന് നേരത്തെ അബുദാബി കോടതി ഓഫ് ഫസ്റ്റ് ഇൻസ്റ്റൻസ് കണ്ടെത്തിയിരുന്നു, ഇതിൽ ഓരോരുത്തർക്കും 8,000 ദിർഹം പിഴ ചുമത്തുകയും കോടതി ഫീസ് അടയ്ക്കാൻ ഉത്തരവിടുകയും ചെയ്തിരുന്നു.

മറ്റൊരാളെ ദ്രോഹിക്കുന്ന ഏതൊരു പ്രവൃത്തിയും നഷ്ടപരിഹാരം നൽകാനുള്ള ബാധ്യതയിലേക്ക് നയിക്കുന്നു എന്ന് യു എ ഇ സിവിൽ ട്രാൻസാക്ഷൻസ് നിയമപ്രകാരമുള്ള നഷ്ടപരിഹാരത്തിനുള്ള നിയമപരമായ വശം ചൂണ്ടിക്കാട്ടി അബുദാബി ഫാമിലി, സിവിൽ, അഡ്മിനിസ്ട്രേറ്റീവ് ക്ലെയിംസ് കോടതി വിശദീകരിച്ചു.

തെളിവുകളും പരുക്കുകളുടെ സ്വഭാവവും പരിശോധിച്ച ശേഷം, നഷ്ടപരിഹാരം സംബന്ധിച്ച ആവശ്യം ന്യായമാണെന്ന് കോടതി വിധിച്ചു. പ്രതികളായ രണ്ടുപേരും ചേർന്ന് 60,000 ദിർഹം നഷ്ടപരിഹാരം നൽകാൻ ഉത്തരവിട്ടു.