ഇ​ൻ​ഷു​റ​ൻ​സ് ഫീ​സി​ൽ ഇരട്ടി വർധന; കുവൈത്തിലെ പ്രവാസികൾക്ക് തിരിച്ചടി

കുവൈത്ത് സിറ്റി: പ്ര​വാ​സി​കളുടെ ആ​രോ​ഗ്യ ഇ​ൻ​ഷു​റ​ൻ​സ് ഫീ​സി​ൽ വ​ർ​ധ​നവ് വരുത്തി കുവൈത്ത്. റെ​സി​ഡ​ൻ​സി കാർഡ് പുതുക്കാനും പു​തി​യ വി​സ​ക്കുമായി ഇനി മുതൽ 100 ദിനാർ ആ​രോ​ഗ്യ ഇ​ൻ​ഷു​റ​ൻ​സ് ഫീ​സ് ആയി നൽകണം. പുതിയ നിയമം ഡിസംബർ 23 മുതൽ നിലവിൽ വരുമെന്ന് അധികൃതർ വ്യക്തമാക്കി.

50 ദിനാർ ആയിരുന്നു മുൻപ് ഇൻഷുറൻസ് ഫീസ് ആയി ഈടാക്കിയിരുന്നത്. ഇതാണ് ഇരട്ടിയായി വർധിപ്പിച്ചത്. സ​ർ​ക്കാ​ർ- സ്വ​കാ​ര്യ മേ​ഖ​ല​കളിൽ ജോ​ലി ചെ​യ്യു​ന്ന​വ​ർ വി​ദേ​ശ നി​ക്ഷേ​പ​ക​ർ എ​ന്നി​വ​ർ​ക്കും പുതിയ നിയമം ബാധകമാണ്. ഡി​പെ​ൻ​ഡ​ന്റ് വി​സയിൽ താമസിക്കുന്ന ഓ​രോ വ്യക്തിയും പ്ര​തി​വ​ർ​ഷം 100 ദിനാർ ഇ​ൻ​ഷു​റ​ൻ​സ് ഫീ​സ് അ​ട​ക്ക​ണം.

ഈ വർഷം ന​വം​ബ​റി​ൽ സർക്കാർ റെ​സി​ഡ​ൻ​സി, വി​സ ഫീ​സ് തുടങ്ങിയവയിൽ മാറ്റങ്ങൾ വരുത്തിയിരുന്നു. ഇതിന്റെ ഭാഗമായി ആണ് ഇ​ൻ​ഷു​റ​ൻ​സ് ഫീ​സ് വർധിപ്പിച്ചതെന്നാണ് റിപ്പോർട്ട്. ലക്ഷക്കണക്കിന് വരുന്ന പ്രവാസികൾക്ക് പുതിയ തീരുമാനം തിരിച്ചടിയാണ്.

പു​തി​യ ഇ​ഖാ​മ അനുവദിക്കുന്നതിനും, പഴയത് പുതുക്കാനും ഇനി മുതൽ ഇ​ൻ​ഷു​റ​ൻ​സ് ഫീ​സ് അടച്ചാൽ മാത്രമേ സാധിക്കുകയുള്ളു.