നാഗര്‍കോവില്‍: 12 കാരിയെ പീഡിപ്പിച്ച കേസില്‍ മുന്‍ എംഎല്‍എ അറസ്റ്റില്‍. നാര്‍കോവിലെ മുന്‍ എംഎല്‍എ എന്‍എ മുരുകേഷനാണ് അറസ്റ്റിലായത്. കേസെടുത്തതിന് പിന്നാലെ ഒളിവില്‍പോയ മുരുകേഷനെ തിരുനെല്‍വേലിയില്‍നിന്നാണ് പിടികൂടിയത്. ഇതോടെ 12 വയസ്സുകാരിയെ പീഡിപ്പിച്ച കേസില്‍ അറസ്റ്റിലായ പ്രതികളുടെ എണ്ണം അഞ്ചായി.
20കാരന്‍ തട്ടിക്കൊണ്ടുപോയ പെണ്‍കുട്ടിയെ പൊലീസ് മോചിപ്പിച്ചതോടെയാണ് മുന്‍ എംഎല്‍എ അടക്കമുള്ളവര്‍ കുട്ടിയെ പീഡിപ്പിച്ച വിവരം പുറത്തറിയുന്നത്. കോടതിയില്‍ പെണ്‍കുട്ടി തന്നെയാണ് മുരുകേഷ് അടക്കമുള്ളവര്‍ തന്നെ ലൈംഗികമായി പീഡിപ്പിച്ചെന്ന് മൊഴി നല്‍കിയത്. ഇതോടെ പൊലീസ് പുതിയ കേസ് രജിസ്റ്റര്‍ ചെയ്തു.
സംഭവവുമായി ബന്ധപ്പെട്ട് കുട്ടിയുടെ അമ്മയടക്കം നാല് പ്രതികളെ കഴിഞ്ഞദിവസം അറസ്റ്റ് ചെയ്തിരുന്നു. ഇവര്‍ റിമാന്‍ഡിലാണ്. എന്നാല്‍ പോലീസ് കേസെടുത്തതിന് പിന്നാലെ മുരുകേഷന്‍ ഒളിവില്‍പോയി. തിരുനെല്‍വേലിയിലേക്ക് കടന്ന ഇയാളെ ബുധനാഴ്ച പൊലീസ് പിടികൂടി. പോക്‌സോ കേസില്‍ പ്രതിയായ മുരുകേഷനെ പാര്‍ട്ടിയുടെ പ്രാഥമിക അംഗത്വത്തില്‍നിന്ന് പുറത്താക്കിയതായി എഐഎഡിഎംകെ. അറിയിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
