ബ്ലൂടൂത്ത്​ ഹെഡ്​ഫോൺ പൊട്ടിത്തെറിച്ചു, 15കാരന് ​ദാരുണാന്ത്യം 

ജയ്​പുർ: ഫോൺവിളിക്കിടെ ബ്ലൂടൂത്ത്​ ഹെഡ്​ഫോൺ പൊട്ടിത്തെറിച്ച്​ യുവാവിന്​ ദാരുണാന്ത്യം. രാജസ്ഥാനിലെ ജയ്​പുർ സ്വദേശിയായ രാകേഷ്​ നഗറാണ് (15)​ മരിച്ചത്​. ഇരുചെവികൾക്കും​ പരിക്കേറ്റ യുവാവ്​ ഹൃദയാഘാതത്തെ തുടർന്നാണ്​ മരിച്ചതെന്ന് ഡോക്ടർമാർ പറഞ്ഞു. 

വയർലെസ്​ ഇയർഫോണിൽ സംസാരിക്കവേ ഉപകരണം പൊട്ടിത്തെറിക്കുകയായിരുന്നു. പൊട്ടിത്തെറിച്ചതിന്റെ ആഘാതത്തിൽ യുവാവ് കുഴഞ്ഞുവീണു. ഇരുചെവികൾക്കും പരിക്കേറ്റ നിലയിൽ യുവാവിനെ സിദ്ധിവിനായക്​ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. ചികിത്സക്കിടെ ഹൃദയാഘാതം സംഭവിച്ചാണ്​ മരിച്ചതെന്ന് ആശുപത്രി അധികൃതർ പറഞ്ഞു.