2022ലെ ജി20 ഉച്ചകോടിക്ക് ഇന്ത്യ വേദിയാവും; 75ാം സ്വാതന്ത്ര്യ ദിനാഘോഷത്തിന്റെ ഭാഗമായി

ന്യൂഡല്‍ഹി: 2022ലെ ജി20 ഉച്ചകോടിക്ക് ഇന്ത്യ ആതിഥേയരാവും. ഇന്ത്യന്‍ സ്വാതന്ത്ര്യദിനത്തിന്റെ 75ാം വാര്‍ഷികത്തോട് അനുബന്ധിച്ചാണ് 2022ലെ ജി20 ഉച്ചകോടിക്ക് ഇന്ത്യ ആതിഥേയത്വം വഹിക്കുന്നതെന്ന് അര്‍ജന്റീനയില്‍ നടക്കുന്ന ജി20 ഉച്ചകോടിയില്‍ പ്രധാനമന്ത്രി നരേന്ദ്ര മോദി പറഞ്ഞു. 

2021ല്‍ ജി20 ഉച്ചകോടിക്ക് ആതിഥേയത്വം വഹിക്കുന്നതിന് പകരം 2022ല്‍ അതിന് അവസരം നല്‍കണം എന്ന് ഇറ്റലിയോട് ആവശ്യപ്പെട്ടു. അവര്‍ ഞങ്ങളുടെ ആവശ്യം അംഗീകരിച്ചു. മറ്റുള്ളവരും അംഗീകരിച്ചതായി മോദി പറയുന്നു. 

ലോക നേതാക്കളെ 2022ലെ ഉച്ചകോടിയില്‍ പങ്കെടുക്കാന്‍ മോദി ക്ഷണിച്ചു. അര്‍ജന്റീനയില്‍ നടക്കുന്ന ജി20 ഉച്ചകോടിക്കായി മൂന്ന് ദിവസത്തെ സന്ദര്‍ശനത്തിന് എത്തിയിരിക്കുകയാണ് മോദി.