കശ്മീരിൽ ഭീകരരുടെ വെടിയേറ്റ് മൂന്ന് പേർ മരിച്ചു; ശ്രീന​ഗറിൽ സൈനിക വാഹനത്തിന് നേരെ ​ഗ്രനേഡ് ആക്രമണം

ശ്രീനഗർ: ജമ്മു കശ്മീരിൽ രജൗരി ജില്ലയിൽ ഭീകരാക്രമണം. ഭീകരർ നടത്തിയ വെടിവയ്പ്പിൽ മൂന്ന് പേർ മരിച്ചു. ഏഴ് പേർക്ക് പരിക്കേറ്റു. ധാം​ഗ്രി മേഖലയിലാണ് വെടിവയ്പ്പുണ്ടായത്. വൈകീട്ടാണ് ആക്രമണം നടന്നതെന്നാണ് ലഭിക്കുന്ന വിവരം. ആയുധങ്ങളുമായെത്തിയ രണ്ട് ഭീകരർ പ്രദേശവാസികളടക്കമുള്ളവർക്ക് നേരെ വെടിയുതിർക്കുകയായിരുന്നു. 

പരിക്കേറ്റവരിൽ ചിലരുടെ നില ​ഗുരുതരമാണ്. ഇവരെ രജൗരിയിലെ ആശുപത്രിയിൽ പ്രവേശിപ്പിച്ചു. ഭീകരർക്കായി സൈന്യം തിരച്ചിൽ തുടരുകയാണ്. 

അതിനിടെ ശ്രീന​ഗറിൽ സൈനികർ സഞ്ചരിച്ച വാഹ​നത്തിന് നേരെ ​ഗ്രനേഡ് ആക്രമണമുണ്ടായി. എംകെ ചൗക്ക് മേഖലയിൽ ആണ് സംഭവം നടന്നത്. സിആർപിഎഫ് വാഹനത്തിന് നേരെയാണ് ആക്രമണം ഉണ്ടായത്. ആക്രമണത്തിൽ ഒരു പ്രദേശവാസിക്ക് പരിക്കേറ്റു. പ്രദേശം ഇപ്പോൾ സൈന്യം വളഞ്ഞിട്ടുണ്ട്. ശ്രീന​ഗറിലും തിരച്ചിൽ തുടരുന്നു. 

ഈ വാർത്ത കൂടി വായിക്കൂ

രാജ്യത്തെ തൊഴിലില്ലായ്മ നിരക്ക് 8.3 ശതമാനം; 16 മാസത്തെ ഏറ്റവും ഉയർന്ന നില

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ