ന്യൂഡല്‍ഹി: ഡല്‍ഹിയിലുണ്ടായ വന്‍ തീപിടിത്തത്തില്‍ പൊലീസ് യാര്‍ഡില്‍ സൂക്ഷിച്ചിരുന്ന 450 വാഹനങ്ങള്‍ കത്തിനശിച്ചു. വസീറാബാദ് പൊലിസ് ട്രയിനിങ് യാര്‍ഡിലാണ് സംഭവം. ഇന്നലെ അര്‍ധരാത്രിയോടെയാണ് തീപിടിത്തമുണ്ടായതെന്ന് പൊലീസ് പറഞ്ഞു.
വിവരമറിഞ്ഞ് അഗ്നിശമനസേനയുടെ എട്ട് വാഹനങ്ങള്‍ സ്ഥലത്തെത്തി. പുലര്‍ച്ചെ നാലുമണിയോടെയാണ് തീയണച്ചത്. തീപിടിത്തത്തില്‍ 200 കാറുകളും 250 ഓളം ഇരുചക്രവാഹനങ്ങളും കത്തിനശിച്ചു. പൊലീസ് പിടിച്ചെടുത്ത മുഴുവന്‍ വാഹനങ്ങളും അപകടത്തില്‍ കത്തിനശിച്ചു.
തീപിടിത്തത്തിന്റെ കാരണം അറിവായിട്ടില്ല. സംഭവത്തില്‍ പൊലീസ് അന്വേഷണം ആരംഭിച്ചു. ആളപായമില്ല.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
