ന്യൂഡല്‍ഹി: അന്‍പതു വര്‍ഷം കൊണ്ട് ലോകഭാഷയെന്ന നിലയില്‍ സംസ്‌കൃതം ഇംഗ്ലീഷിനെ മറികടക്കുമെന്ന് ബിജെപി നേതാവ് സുബ്രഹ്മണ്യന്‍ സ്വാമി. അമേരിക്കയുടെ സ്വാധീനം നിമിത്തമാണ് എല്ലാവര്‍ക്കും ഇംഗ്ലിഷ് ഉപയാഗിക്കേണ്ടിവരുന്നതെന്ന് സ്വാമി ട്വീറ്റ് ചെയ്തു.
''നമ്മള്‍ ഇപ്പോള്‍ ഇംഗ്ലീഷ് ഉപയോഗിക്കുന്നത് താത്കാലികമാണ്. അമേരിക്കക്കാര്‍ ആഗോളവത്കരിച്ചതുകൊണ്ടാണ് അതു നമുക്ക് ഉപയോഗിക്കേണ്ടി വരുന്നത്. വിദേശ സാങ്കേതിക വിദ്യ ഉപയോഗിക്കുന്നതു കൊണ്ടാണ് നമുക്ക് അതു ചെയ്യേണ്ടി വരുന്നത്. അന്‍പതു വര്‍ഷം കൊണ്ട് സംസ്‌കൃതം ഇംഗ്ലീഷിനെ മറികടക്കും'' ട്വീറ്റില്‍ പറയുന്നു.
സ്വാമിയുടെ പ്രവചനത്തിന് സമ്മിശ്ര പ്രതികരണമാണ് ട്വീറ്ററില്‍ ലഭിച്ചത്. അന്‍പതു വര്‍ഷം ഒരുപാടു ദീര്‍ഘമായിപ്പോയെന്നും പ്രവചനം ഫലിച്ചോ എന്നറിയാന്‍ സ്വാമി തന്നെ ഉണ്ടാവുമെന്നു തോന്നുന്നില്ലെന്നും ചിലര്‍ പ്രതികരിച്ചു.
എന്‍ഡിഎ അധികാരത്തില്‍ എത്തിയാല്‍ ഡോളറിന് 35 രൂപയാവും എന്ന, സ്വാമിയുടെ പഴയ ട്വീറ്റ് കുത്തിപ്പൊക്കിയാണ് ചിലര്‍ മറുപടി പറഞ്ഞത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
