ലഖ്‌നൗ: ഉത്തര്‍പ്രദേശില്‍ ചായ നല്‍കാന്‍ വൈകിയതിനെ ചൊല്ലിയുള്ള തര്‍ക്കത്തെ തുടര്‍ന്ന് 65കാരന്‍ ദേഹത്ത് പെട്രോള്‍ ഒഴിച്ച് തീകൊളുത്തി ജീവനൊടുക്കി. മകളും മരുമകളുമായുള്ള തര്‍ക്കത്തെ തുടര്‍ന്നാണ് കടുംകൈ ചെയ്തതെന്നാണ് റിപ്പോര്‍ട്ടുകള്‍.
ബന്ദ ജില്ലയിലാണ് സംഭവം. അവധ് കിഷോര്‍ ആണ് മരിച്ചത്. തനിക്ക് ചായ നല്‍കാന്‍ വൈകിയതിനെ ചൊല്ലിയായിരുന്നു അവധ് കിഷോര്‍ മകളും മരുമകളുമായി വഴക്കിട്ടത്. ഇതിന് പിന്നാലെയായിരുന്നു പ്രകോപനം.
കുടുംബപ്രശ്‌നങ്ങളെ തുടര്‍ന്ന് അവധ് കിഷോര്‍ മാനസിക സമ്മര്‍ദ്ദത്തിലായിരുന്നുവെന്നാണ് ബന്ധുക്കള്‍ പറയുന്നത്. അവധ് കിഷോറിന്റെ ഭാര്യ, അവരുടെ വീട്ടിലാണ് താമസിക്കുന്നത്. വിവാഹിതയായ മകള്‍ അവധ് കിഷോറിനൊപ്പമാണ് താമസിച്ചിരുന്നത്.
വ്യാഴാഴ്ച മകളോടും മരുമകളോട് ചായ തരാന്‍ 65കാരന്‍ ആവശ്യപ്പെട്ടു. ചായ വരാന്‍ വൈകിയതിനെ ചൊല്ലി അവധ് കുമാര്‍ മകളും മരുമകളുമായി വഴക്കിട്ടു. ഇതിന് പിന്നാലെ അവധ് കിഷോര്‍ ദേഹത്ത് പെട്രോള്‍ ഒഴിച്ച് സ്വയം തീകൊളുത്തുകയായിരുന്നുവെന്ന് പൊലീസ് പറയുന്നു. ഉടന്‍ തന്നെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാന്‍ സാധിച്ചില്ല.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
