ബ്രേക്ക് നഷ്ടപ്പെട്ടു, കുത്തിനിറച്ച് ആളുകളുമായി പോയ ജീപ്പ് ട്രക്കുമായി കൂട്ടിയിടിച്ചു; രാജസ്ഥാനില്‍ ഏഴുപേര്‍ മരിച്ചു 

ജയ്പൂര്‍: രാജസ്ഥാനില്‍ ട്രക്കും മള്‍ട്ടി യൂട്ടിലിറ്റി വാഹനവുമായി കൂട്ടിയിടിച്ച് ഏഴുപേര്‍ മരിച്ചു. എട്ടുപേര്‍ക്ക് ഗുരുതരമായി പരിക്കേറ്റു.

ദുംഗര്‍പൂര്‍ ജില്ലയില്‍ ഞായറാഴ്ചയാണ് സംഭവം. ഏഴുപേരും തത്ക്ഷണം തന്നെ മരിച്ചതായി പൊലീസ് പറയുന്നു. ഫോഴ്‌സിന്റെ ട്രാക്‌സ് ക്രൂസറിലേക്ക്( ജീപ്പ്) ട്രക്ക് ഇടിച്ചുകയറുകയായിരുന്നു.ക്രൂസറിന്റെ ബ്രേക്കിന് തകരാര്‍ സംഭവിച്ചതാണ് അപകടത്തിന് കാരണമെന്നാണ് റിപ്പോര്‍ട്ടുകള്‍. ഇടിയുടെ ആഘാതത്തില്‍ മള്‍ട്ടി യൂട്ടിലിറ്റി വാഹനം മറിഞ്ഞതായും പൊലീസ് പറയുന്നു.

ദുംഗര്‍പൂരില്‍ നിന്ന് അഹമ്മദാബാദിലേക്ക് പോകുകയായിരുന്നു മള്‍ട്ടി യൂട്ടിലിറ്റി വാഹനം. 13 പേര്‍ക്ക് കയറാവുന്ന വാഹനത്തില്‍ 21 പേര്‍ ഉണ്ടായിരുന്നു. പലരും വാഹനത്തിന്റെ മുകളിലാണ് ഇരുന്നിരുന്നതെന്നും പൊലീസ് പറയുന്നു.

ഈ വാര്‍ത്ത കൂടി വായിക്കൂ 

15 ലക്ഷം രൂപയുടെ ആരോഗ്യ ഇന്‍ഷുറന്‍സ്, 400 രൂപക്ക് എല്‍പിജി സിലിണ്ടര്‍, തെരഞ്ഞെടുപ്പ് പ്രകടന പത്രിക പുറത്തിറക്കി ബിആര്‍എസ്

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ