9 പേരെ കൊലപ്പെടുത്തി, ജീവപര്യന്തം തടവ് ശിക്ഷ; പരോളിലിറങ്ങിയ 'ഗുണ്ടാത്തലവന്‍' എരുമയെ മോഷ്ടിച്ചു; അറസ്റ്റ്

ലഖ്‌നൗ:  9 പേരെ കൊലപ്പെടുത്തിയ കേസില്‍ ജീവപര്യന്തം തടവിന് ശിക്ഷിക്കപ്പെട്ട ഗുണ്ടാത്തലവന്‍ പരോളിലിറങ്ങിയതിന് പിന്നാലെ എരുമയെ മോഷ്ടിച്ചതിനെ തുടര്‍ന്ന് അറസ്റ്റിലായി. ഉത്തര്‍പ്രദേശിലെ ബറിച്ച് ജില്ലിയിലാണ് സംഭവം. മുനേശ്വര്‍ എന്നായാളാണ് അറസ്റ്റിലായത്. 

1992ലാണ് ഇയാള്‍ ഒന്‍പതുപേരെ കൊലപ്പെടുത്തിയത്. ഈ സംഭവത്തില്‍ കോടതി ഇയാളെ ജീവപര്യന്തം തടവിന് ശിക്ഷിച്ചിരുന്നു. 

ഹൈക്കോടതിയുടെ നിര്‍ദേശാനുസരണം ഇയാള്‍ക്ക് പരോള്‍ ലഭിച്ചിരുന്നതായി റൂറല്‍ എസ്പി അശോക് കുമാര്‍ പറഞ്ഞു. ഇദ്ദേഹത്തിന്റെ പരോള്‍ റദ്ദാക്കാന്‍ ഹൈക്കോടതിയില്‍ അപേക്ഷ നല്‍കുമെന്നും പൊലീസ് പറഞ്ഞു.