പറന്നുയര്‍ന്ന ഉടനെ ചിറകില്‍ നിന്ന് തീപ്പൊരി, ഇന്‍ഡിഗോ വിമാനം തിരിച്ചിറക്കി; അന്വേഷണം പ്രഖ്യാപിച്ച് വ്യോമയാന മന്ത്രാലയം

ഡൽഹി: ഡൽഹിയിൽ പറന്നുയരുന്നതിന് ഇടയിൽ വിമാനത്തിന്റെ എഞ്ചിനിൽ തീപ്പൊരി. ഡൽഹിയിൽ നിന്ന് ബെംഗളൂരുവിലേക്ക് പറന്നുയർന്ന ഇൻഡി​ഗോ വിമാനമാനം സെക്കന്റുകൾക്കുള്ളിൽ തന്നെ ഇതോടെ തിരിച്ചിറക്കി. സംഭവത്തിൽ വ്യോമയാന മന്ത്രാലയും അന്വേഷണം പ്രഖ്യാപിച്ചു. ഡിജിസിഎ വിശദമായ റിപ്പോർട്ട് ആവശ്യപ്പെട്ടിട്ടുണ്ട്. 

വിമാനത്താവളത്തിൽ ജാഗ്രതാ നിർദേശം പ്രഖ്യാപിച്ചാണ് വിമാനം തിരിച്ചിറക്കിയത്. ഇൻഡിഗോ 6E-2131 വിമാനത്തിന്റെ എഞ്ചിനിലാണ് തീപ്പൊരി കണ്ടത്. എല്ലാ യാത്രക്കാരും ജീവനക്കാരും സുരക്ഷിതരാണെന്ന് ഡൽഹി പൊലീസ് അറിയിച്ചു. എയർബസ് എ-320 വിമാനത്തിൽ 184 പേരാണ് ഉണ്ടായിരുന്നത്. 

രാത്രി 11 മണിക്ക് ശേഷം യാത്രക്കാരെ വിമാനത്തിൽ നിന്ന് ഇറക്കി  മറ്റൊരു വിമാനത്തിൽ അയച്ചു. വിമാനം പറന്നുയരുമ്പോൾ ഉണ്ടായ സാങ്കേതിക പ്രശ്നം മാത്രമാണെന്നാണ് ഇൻഡി​ഗോയുടെ വിശദീകരണം. 

ഈ വാര്‍ത്ത കൂടി വായിക്കൂ 

വീട് എവിടെയാണ്?, ഹൈക്കോടതി ജഡ്ജിയെ നേരിട്ട് വിളിച്ച് ചോദിച്ചു; എസ്‌ഐ അടക്കം മൂന്ന് പൊലീസുകാര്‍ക്ക് സസ്‌പെന്‍ഷന്‍

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ