ന്യൂഡല്ഹി: സുഖോയ് 30 MKI യുദ്ധവിമാനം തകര്ന്നുവീണു. അസമിലെ ജോര്ഹട്ടില് നിന്ന് 60 കി.മി അകലെയാണ് വിമാനം തകര്ന്നു വീണതെന്ന് ഇന്ത്യന് വ്യോമസേന സ്ഥിരീകരിച്ചു. തിരച്ചില് പുരോഗമിക്കുകയാണെന്നും അറിയിച്ചു.
ഇന്ത്യന് വ്യോമസേനയുടെ സുഖോയ് 30 MKI യുദ്ധവിമാനം റഡാറില് നിന്ന് അപ്രത്യക്ഷമായിരുന്നു. അവസാനമായി രാത്രി 7.42നാണു ബന്ധപ്പെട്ടതെന്നു ഇന്ത്യന് വ്യോമസേന എക്സില് കുറിച്ചു.
ജോര്ഹട്ട് വ്യോമതാവളത്തില് നിന്ന് പറന്നുയര്ന്നതിനിടെയാണ് അപകടം ഉണ്ടായത്. വിമാനത്തിലുണ്ടായിരുന്ന പൈലറ്റുമാരുടെ വിവരങ്ങള് ലഭ്യമല്ല. റഷ്യന് സാങ്കേതികവിദ്യയില് വികസിപ്പിച്ച സുഖോയ് 30 MKI ഇരുസീറ്റര് മള്ട്ടിറോള് യുദ്ധവിമാനമാണ്. ഹിന്ദുസ്ഥാന് എയറോനോട്ടിക്സ് ലിമിറ്റഡ് നിര്മിച്ച യുദ്ധവിമാനമാണിത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
