ജയ്പുര്‍: മുഹമ്മദ് നബിക്കെതിരെ വിവാദ പരാമര്‍ശം നടത്തിയ ബിജെപി നേതാവ് നൂപുര്‍ ശര്‍മയുടെ തല വെട്ടാന്‍ ആഹ്വാനം ചെയ്ത മത നേതാവ് അറസ്റ്റില്‍. അജ്മീര്‍ ദര്‍ഗയിലെ മതപണ്ഡിതനായ സല്‍മാന്‍ ചിസ്തിയെയാണ് രാജസ്ഥാന്‍ പൊലീസ് അറസ്റ്റ് ചെയ്തത്.
നൂപുര്‍ ശര്‍മയുടെ തല വെട്ടുന്നയാള്‍ക്ക് തന്റെ വീട് നല്‍കുമെന്നായിരുന്നു ചിസ്തിയുടെ പ്രഖ്യാപനം. ഇതു വിഡിയോയില്‍ ചിത്രീകരിച്ച് സാമൂഹ്യ മാധ്യമങ്ങളില്‍ പ്രചരിപ്പിക്കുകയായിരുന്നു. ഉദയ്പുരില്‍ കനയ്യ ലാലിനെ കൊലപ്പെടുത്തും മുമ്പാണ് ഈ വിഡിയോ ചിത്രീകരിച്ചിട്ടുള്ളതെന്ന് പൊലീസ് പറഞ്ഞു. എന്നാല്‍ ഉദയ്പുര്‍ സംഭവത്തിനു ശേഷമാണ് വിഡിയോ വ്യാപകമായി പ്രചരിച്ചത്.
മദ്യപിച്ചായിരിക്കാം ചിസ്തി വിഡിയോ ചിത്രീകരിച്ചത് എന്നാണ് പൊലീസിന്റെ നിഗമനം. ഖാദിം മൊഹല്ലയിലെ വീട്ടില്‍നിന്നാണ് പൊലീസ് ചിസ്തിയെ പിടികൂടിയത്.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
