ക​ഠി​നാ​ധ്വാ​നം ചെ​യ്തിട്ടും ജയിക്കാനായില്ല; അസം കോ​ൺ​ഗ്ര​സ് അ​ധ്യ​ക്ഷ​ൻ രാ​ജി​വ​ച്ചു 

​ഗുവാഹത്തി: നി​യ​മ​സ​ഭാ തെ​ര​ഞ്ഞെ​ടു​പ്പി​ൽ നേരിട്ട പ​രാ​ജ​യ​ത്തി​നു പി​ന്നാ​ലെ അസം കോ​ൺ​ഗ്ര​സ് അ​ധ്യ​ക്ഷ​ൻ റി​പു​ൻ ബോ​റ രാ​ജി​വ​ച്ചു. പാർട്ടി തോറ്റതിന്റെ ഉ​ത്ത​ര​വാ​ദി​ത്വം ഏ​റ്റെ​ടു​ത്ത് കോ​ൺ​ഗ്ര​സ് അ​ധ്യ​ക്ഷ സോ​ണി​യ ഗാ​ന്ധി​ക്ക് രാ​ജി​ക്ക​ത്ത് ന​ൽ​കി​യ​താ​യി അ​ദ്ദേ​ഹം പ​റ​ഞ്ഞു. ഗോ​ഹ്പൂ​ർ മ​ണ്ഡ​ല​ത്തി​ൽ​നി​ന്നും മ​ത്സ​രി​ച്ച ബോ​റ​യും തെ​ര​ഞ്ഞെ​ടു​പ്പിൽ പരാജയപ്പെട്ടു. ബി​ജെ​പി​യു​ടെ സി​റ്റിം​ഗ് എം‌​എ​ൽ‌​എ ഉ​ത്‌​പാ​ൽ ബോ​റ​ടോ​ട് 29,294 വോ​ട്ടു​ക​ൾ​ക്കാ​ണ് ബോ​റ തോറ്റത്. 

ക​ഠി​നാ​ധ്വാ​നം ചെ​യ്തെങ്കിലും ബി​ജെ​പി​യും ആ​ർ‌​എ​സ്‌​എ​സും ക​ളി​ച്ച ഭി​ന്നി​പ്പും സാ​മു​ദാ​യി​ക​വു​മാ​യ രാ​ഷ്ട്രീ​യ​ത്തെ നേ​രി​ടാ​ൻ ക​ഴി​ഞ്ഞി​ല്ലെ​ന്ന് ബോ​റ രാജിക്ക​ത്തി​ൽ പ​റ​യു​ന്നു. 

ആ​സാ​മി​ൽ 126 അം​ഗ നി​യ​മ​സ​ഭ​യി​ൽ ബി​ജെ​പി നേ​തൃ​ത്വം ന​ല്കു​ന്ന എ​ൻ​ഡി​എ കേ​വ​ല ഭൂ​രി​പ​ക്ഷം നേ​ടി. ബി​ജെ​പി​ക്കും സ​ഖ്യ​ക​ക്ഷി​ക​ൾ​ക്കും 75 സീ​റ്റു​ക​ളി​ൽ മേ​ധാ​വി​ത്വ​മു​ണ്ട്. കോൺഗ്രസ് സഖ്യം 46 സീറ്റ് നേടിയപ്പോൾ ഒരിടത്ത് സ്വതന്ത്രൻ ജയിച്ചു.