വീണ്ടും വിഷമദ്യ ദുരന്തം; മരിച്ചവരുടെ എണ്ണം 17 ആയി 

പറ്റ്‌ന: ബിഹാറിൽ വിഷമദ്യ ദുരന്തത്തിൽ മരിച്ചവരുടെ എണ്ണം 17 ആയി. ഭഗൽപൂർ, മധേപുര, ബങ്ക എന്നിവിടങ്ങളിലാണ് മരണങ്ങൾ റിപ്പോർട്ട് ചെയ്തിട്ടുള്ളത്. മധേപുരയിൽ മൂന്നും ബങ്കയിൽ ഒൻപതും ഭഗൽപൂരിൽ നാലും പേർ മരിച്ചതായാണ് റിപ്പോർട്ടുകൾ, ബിഹാറിലെ മറ്റൊരു ജില്ലയായ മുർളി​ഗഞ്ചിൽ ഒരാൾ മരിച്ചതായാണ് വിവരം. 

ഭ​ഗൽപ്പൂർ, ​ഗോപാൽ​ഗഞ്ച് എന്നിവിടങ്ങളിൽ വിഷമദ്യം കുടിച്ച് 16 പേർ മരിച്ച സംഭവം നടന്ന് ഒരാഴ്ചയ്ക്കുള്ളിലാണ് സംസ്ഥാനത്ത് വീണ്ടും വിഷമദ്യദുരന്തം റിപ്പോർട്ട് ചെയ്തിരിക്കുന്നത്. ഭ​ഗൽപ്പൂർ സ്വദേശികളായ ആറ് പേരും ഗോപാൽ​ഗഞ്ചിലെ പത്ത് പേരുമാണ് രണ്ടാഴ്ച മുമ്പുണ്ടായ ദുരന്തത്തിൽ മരിച്ചത്.