വിരിഞ്ഞിറങ്ങിയത് ലക്ഷക്കണക്കിന് ആമക്കുഞ്ഞുങ്ങള്‍; ഇനി യാത്ര കടലിലേക്ക്- വീഡിയോ 

വിശാഖപട്ടണം: ഓരോ വര്‍ഷവും കടല്‍ത്തീരത്ത് മുട്ടയിടാന്‍ വരാന്‍ ആമകള്‍ക്ക് വനംവകുപ്പ് കടുത്ത സുരക്ഷയാണ് ഒരുക്കുന്നത്.  കടലാമകള്‍ കൂട്ടമായി മുട്ടയിടാനെത്തുന്ന പ്രതിഭാസത്തെ അരിബാഡ എന്നാണ് വിളിക്കുന്നത്. ഓരോ പെണ്ണാമയും കൂടൊരുക്കി അതില്‍ നിക്ഷേപിക്കുന്നത് 100-120 മുട്ടകളാണ്. 45-50 ദിവസത്തിനുള്ളില്‍ ആമക്കുഞ്ഞുങ്ങള്‍ വിരിഞ്ഞിറങ്ങും.

മുട്ടവിരിഞ്ഞ് ഒരു മണിക്കൂറിനകം തന്നെ ആമക്കുഞ്ഞുങ്ങള്‍ കടലിലേക്കുള്ള യാത്ര ആരംഭിക്കും. ആന്ധ്രാപ്രദേശിലെ വിശാഖപട്ടണത്ത് ആമക്കുഞ്ഞുങ്ങളെ കടലിലേക്ക് വിടുന്ന ദൃശ്യങ്ങള്‍ പുറത്തുവന്നു. ജില്ലാ കലക്ടര്‍ എ മല്ലികാര്‍ജ്ജുന്റെ നേതൃത്വത്തിലായിരുന്നു ആമക്കുഞ്ഞുങ്ങളെ കടലിലേക്ക് വിട്ടത്. 

ആമക്കുഞ്ഞുങ്ങളെ കടലിലേക്ക് വിടുന്ന പരിപാടിയില്‍ നാട്ടുകാര്‍ ആവേശത്തോടെയാണ് പങ്കെടുത്തത്. വനംവകുപ്പ് ഉദ്യോഗസ്ഥരും നിര്‍ദേശങ്ങളുമായി കൂടെ ഉണ്ടായിരുന്നു.