ലോറിയിലിരുന്ന് ബലൂൺ എറിഞ്ഞു, സ്കൂട്ടർ യാത്രികന്റെ നിയന്ത്രണം നഷ്ടപ്പെട്ട് സൈക്കിളുകാരനെ ഇടിച്ചു; മരണം 

പാൽഘർ: സ്കൂട്ടർ ഇടിച്ച് സൈക്കിൾ യാത്രികൻ മരിച്ചു. 54കാരനായ രാംചന്ദ്ര പട്ടേൽ എന്നയാളാണ് മരിച്ചത്. 

ഹോളി ആഘോഷത്തിനായുള്ള വിറകുമായി പോകുന്ന ലോറിയിലിരുന്ന് ഒരു ആൺകുട്ടി വെള്ളം നിറച്ച ബലൂൺ സ്കൂട്ടർ യാത്രികന്റെ നേർക്ക് എറിഞ്ഞതിനെത്തുടർന്നാണ് അപകടമുണ്ടായത്. നിയന്ത്രണം നഷ്ടപ്പെട്ട സ്കൂട്ടർ യാത്രികൻ പട്ടേലിനെ ഇടിച്ചു. അപകടം നടന്ന സ്ഥലത്തുവച്ചുതന്നെ പട്ടേൽ മരിച്ചു. സംഭവത്തിൽ അന്വേഷണം നടക്കുകയാണെന്ന് പൊലീസ് പറഞ്ഞു.