മുംബൈ: കൊക്കെയ്ന് കൈവശം വച്ചതിന് ബോളിവുഡ് മേക്കപ്പ് ആര്ട്ടിസ്റ്റിനെ നാര്ക്കോട്ടിക്സ് കണ്ട്രോള് ബ്യൂറോ അറസ്റ്റ് ചെയ്തു. ബോളിവുഡ് നടന് സുശാന്ത് സിങ് രജ്പുത്തിന്റെ മരണവുമായി ബന്ധപ്പെട്ട മയക്കുമരുന്ന് കേസില് ചൊവ്വാഴ്ച മുതല് മുംബൈയുടെ വിവിധ ഭാഗങ്ങളില് നാര്ക്കോട്ടിക്സ് കണ്ട്രോള് ബ്യൂറോ റെയ്ഡ് നടത്തി വരികയാണ്. ഇതിന്റെ ഭാഗമായാണ് അറസ്റ്റ്. മേക്കപ്പ് ആര്ട്ടിസ്റ്റ് സുരാജ് ഗോദാംബെയ്ക്ക് കൊക്കെയ്ന് എത്തിച്ച് നല്കിയ ഓട്ടോ റിക്ഷ ഡ്രൈവറും പിടിയിലായിട്ടുണ്ട്. നൈജീരിയന് സംഘത്തിന് വേണ്ടിയാണ് ഓട്ടോറിക്ഷ ഡ്രൈവര് വിതരണക്കാരനായതെന്ന് നാര്ക്കോട്ടിക്സ് കണ്ട്രോള് ബ്യൂറോവിന്റെ പ്രസ്താവനയില് പറയുന്നു.
ത്രീ ഇഡിയറ്റസ് ഉള്പ്പെടെ നിരവധി സിനിമകളില് പ്രവര്ത്തിച്ചയാളാണ് സുരാജ് ഗോദാംബെ. ഇയാളില് നിന്ന് 16 പാക്കറ്റുകളിലായി 11 ഗ്രാം കൊക്കെയ്്നാണ് പിടികൂടിയത്. ഇതിന് ഇന്ത്യന് വിപണിയില് 56000 രൂപ വില വരും. മുംബൈയിലെ ഓഷിവാരയില് നിന്നാണ് ഇരുവരെയും പിടികൂടിയത്.
ലഹരിമരുന്ന് കേസുമായി ബന്ധപ്പെട്ട് കഴിഞ്ഞദിവസം പ്രമുഖ മയക്കുമരുന്ന് വിതരണക്കാരിലൊരാളായ റീഗെല് മഹാക്കലിനെയും ഇയാളുടെ സംഘത്തില് ഉള്പ്പെട്ട അസം ഷെയ്ഖ് ജുമാനെയും അറസ്റ്റ് ചെയ്തിരുന്നു. റെയ്ഡിനിടെ മൂന്ന് കോടിയോളം വില വരുന്ന മയക്കുമരുന്നാണ് പിടിച്ചെടുത്തത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
