ഭോപ്പാല്‍: സദാചാര പൊലീസ് ചമഞ്ഞ് നാട്ടുകാര്‍ സഹോദരനെയും സഹോദരിയെയും മരത്തില്‍ കെട്ടിയിട്ട് മര്‍ദിച്ചു. ഭര്‍ത്താവില്ലാത്ത സമയത്ത് സഹോദരിയെ കാണാനെത്തിയ യുവാവിനെയാണ് നാട്ടുകാര്‍ ക്രൂരമായി മര്‍ദിച്ചത്. വീടിന് പുറത്ത് ഇരുന്ന് ഇരുവരും സംസാരിക്കുന്നത് കണ്ട നാട്ടുകാര്‍ സംശയം പ്രകടിപ്പിക്കുകയായിരുന്നു. ഇതുകേട്ട് ഗ്രാമവാസികള്‍ തടിച്ചുകൂടുകയും ഇരുവരെയും മരത്തില്‍ കെട്ടിയിട്ട് മര്‍ദിക്കുകയുമായിരുന്നു. മധ്യപ്രദേശിലെ ഖാണ്ഡ് വയിലാണ് സംഭവം.
മര്‍ദിക്കുന്ന ദൃശ്യങ്ങള്‍ മൊബൈല്‍ ഫോണില്‍ പകര്‍ത്തി
പകര്‍ത്തി സാമൂഹിക മാധ്യമങ്ങളില്‍ പ്രചരിപ്പിക്കുകയും ചെയ്തു. യുവതിയുടെ പരാതിയില്‍ മൂന്ന് പേരെ അറസ്റ്റ് ചെയ്തതായി പൊലീസ് പറഞ്ഞു. മര്‍ദിക്കുന്നതിനിടെ ഇരുവരും തങ്ങള്‍ സഹോദരിസഹോദരന്‍മാരാണെന്ന് ആവര്‍ത്തിച്ച് പറഞ്ഞിട്ടും ആള്‍ക്കൂട്ടം മര്‍ദിക്കുകയായിരുന്നു. വിവരം അറിഞ്ഞ് സ്ഥലത്തെത്തിയ ഭര്‍ത്താവ് യുവതിയുടെ ബന്ധുവാണെന്ന് പറഞ്ഞിട്ടും ആള്‍ക്കൂട്ടം കേള്‍ക്കാന്‍ തയ്യാറായില്ല.
ആരോ പൊലിസില്‍ വിവരം അറിയിക്കുകയും പൊലീസ് സ്ഥലത്തെത്തി രണ്ടുപേരെ രക്ഷിക്കുകയുമായിരുന്നു. മര്‍ദനത്തിന് നേതൃത്വം നല്‍കിയ മൂന്ന് പേരെ അറസ്റ്റ് ചെയ്തതായി പൊലീസ് പറഞ്ഞു. ആക്രമണത്തില്‍ പങ്കുള്ള മറ്റുള്ളവരെ കണ്ടെത്താന്‍ ശ്രമം തുടരുകയാണെന്നും പൊലീസ് പറഞ്ഞു.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
