ന്യൂഡൽഹി:ഫോൺ കോളിലൂടെ വാക്സിൻ സ്ലോട്ട് ബുക്ക് ചെയ്യാനുള്ള സൗകര്യം ഒരുങ്ങുന്നു. കോവിഡ് വാക്സിനേഷനിൽ നിന്ന് ഗ്രാമീണ ജനത പുറത്താകുകയാണെന്ന പരാതി മറികടക്കാൻ ലക്ഷ്യമിട്ടാണ് പുതിയ സംവിധാനം വരുന്നത്. 1075 എന്ന ഹെൽപ് ലൈൻ നമ്പറിൽ വിളിച്ച് കോവിഡ് വാക്സിൻ സ്ലോട്ട് ബുക്ക് ചെയ്യാൻ സാധിക്കും.
കോവിഡ് സ്ലോട്ട് ബുക്ക് ചെയ്യാൻ പുതിയ സൗകര്യമാണ് ഒരുക്കുന്നതെന്ന് നാഷനൽ ഹെൽത് അതോറിറ്റി തലവൻ ആർ.എസ്.ശർമ അറിയിച്ചു. ഇൻറർനെറ്റ്, സ്മാർട്ട് ഫോണിന്റേയും സഹായമില്ലാതെ കോവിഡ് വാക്സിന് ബുക്ക് ചൊയ്യാനാകില്ല എന്നത് ഗ്രാമീണ ജനതയോടുള്ള അവഗണനയാണെന്ന ആക്ഷേപം ഉയർന്നിരുന്നു.
കോവിൻ വെബ്സൈറ്റ് വഴി മാത്രമേ വാക്സിന് ബുക്ക് ചെയ്യാൻ കഴിയൂ എന്നതിനാൽ സാങ്കേതിക ജ്ഞാനമില്ലാത്ത വലിയൊരു വിഭാഗം കോവിഡ് വാക്സിനേഷനിൽ നിന്ന് പുറത്തുനിൽക്കുന്ന സാഹചര്യമുണ്ട്. ഇതോടെയാണ് പുതിയ ഹെൽപ് ലൈൻ നമ്പർ വരുന്നത്.
കലക്ടർമാർ മുതൽ പ്രാഥമിക ആരോഗ്യ കേന്ദ്രം ജീവനക്കാർ വരെയുള്ളവർ ഹെൽപ് ലൈൻ നമ്പർ സംബന്ധിച്ച് ഗ്രാമീണ ജനതയെ ബോധവത്കരിക്കണം.ഹെൽപ്പ് ലൈൻ നമ്പറിൽ വിളിച്ച് കോവിഡ് വാക്സിന് ബുക്ക് ചെയ്യാമെന്നത് ഗ്രാമീണ ജനതക്ക് ഏറെ ഉപകാരമാകുമെന്നും നാഷനൽ ഹെൽത് അതോറിറ്റി തലവൻ ആർഎസ്ശർമ പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
