ബംഗളൂരു: ഹാസനിലെ മുന്‍ എം പി പ്രജ്ജ്വല്‍ രേവണ്ണയ്ക്ക് പിന്നാലെ ലൈംഗികാതിക്രമക്കേസില്‍ കുരുങ്ങി സഹോദരനും. പ്രജ്ജ്വലിന്റെ സഹോദരനും ജെഡിഎസ് നേതാവുമായ സൂരജ് രേവണ്ണക്കെതിരേയാണ് യുവാവിനെ പീഡിപ്പിച്ചെന്ന പരാതിയില്‍ പൊലീസ് കേസെടുത്തത്. സൂരജിന്റെ ഫാം ഹൗസില്‍ വെച്ച് തന്നെ ലൈംഗികമായി ചൂഷണം ചെയ്‌തെന്നാണ് പരാതിക്കാരന്റെ ആരോപണം.
ജൂണ്‍ 16നാണ് കേസിനാസ്പദമായ സംഭവം നടന്നത്. തന്നെ ഫാം ഹൗസിലേക്ക് ക്ഷണിച്ച സൂരജ് രേവണ്ണ ബലമായി ചുംബിക്കുകയും ഉപദ്രവിക്കുകയുമായിരുന്നുവെന്ന് പരാതിക്കാരന്‍ ആരോപിച്ചു. സഹകരിച്ചില്ലെങ്കില്‍ കൊന്നുകളയുമെന്ന് സൂരജ് ഭീഷണിപ്പെടുത്തിയതായും യുവാവിന്റെ പരാതിയില്‍ പറയുന്നു. ലൈംഗികമായി പീഡിപ്പിക്കുകയും തുടര്‍ന്ന് ജില്ലയില്‍ രാഷ്ട്രീയമായി വളരാന്‍ തന്നെ സഹായിക്കാമെന്ന് വാഗ്ദാനം നല്‍കുകയും ചെയ്തതായി യുവാവ് വെളിപ്പെടുത്തി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
തനിക്കെതിരേയുള്ള ആരോപണങ്ങള്‍ വ്യാജമാണെന്നാണ് സൂരജ് രേവണ്ണയുടെ പ്രതികരണം. വ്യാജ പീഡന ആരോപണങ്ങള്‍ ഉന്നയിച്ച് രണ്ടുപേര്‍ തന്നെ ഭീഷണിപ്പെടുത്തുന്നതായി സൂരജ് രേവണ്ണയും പൊലീസില്‍ പരാതി നല്‍കിയിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
