സിബിഎസ്ഇ പുനർമൂല്യനിർണ്ണയം; സംശയങ്ങൾ ദൂരീകരിക്കാൻ ഹെൽപ്‌ലൈൻ

ന്യൂഡൽഹി: സിബിഎസ് ഇ (CBSE) പന്ത്രണ്ടാം ക്ലാസ് പരീക്ഷയുടെ പുനർമൂല്യനിർണ്ണയവുമായി ബന്ധപ്പെട്ട സംശയങ്ങൾ പരിഹരിക്കാൻ പ്രത്യേക സംവിധാനം ഒരുക്കിയതായി അധികൃതർ. ഒരു ടോൾ-ഫ്രീ നമ്പറും പ്രത്യേക മെയിൽ ഐഡിയുമാണ് സിബിഎസ് ഇ അവതരിപ്പിച്ചിരിക്കുന്നത്. ഇതിലൂടെ പരീക്ഷാ ഫലങ്ങളുമായി ബന്ധപ്പെട്ട സംശയങ്ങൾക്കും മാനസിക സമ്മർദ്ദം കുറയ്ക്കുന്നതിനും വിദ്യാർഥികൾക്ക് ബന്ധപ്പെടാമെന്ന് അധികൃതർ അറിയിച്ചു.

വിദ്യാർഥികൾക്ക് 1800-11-8004 എന്ന ടോൾ-ഫ്രീ നമ്പറിൽ ബന്ധപ്പെട്ട് നിങ്ങളുടെ സംശയങ്ങൾ ചോദിക്കാം. info.cbse@nic.in, resultcbse2026@cbseshiksha.in എന്നീ ഇ-മെയിൽ വഴിയും വിദ്യാർഥികൾക്ക് സംശയം എഴുതി അറിയിക്കാം. ഇതിന് അതിവേഗം മറുപടി നൽകുമെന്നും സിബിഎസ് ഇ അറിയിച്ചു.