അഹമ്മദാബാദ്: 182 അംഗ ഗുജറാത്ത് നിയമസഭയില്‍ ഇക്കുറി ഉള്ളത് ഒരേയൊരു മുസ്ലിം അംഗം- കോണ്‍ഗ്രസിന്റെ ഇമ്രാന്‍ ഖേദാവാല. അഹമ്മദാബാദിലെ ജമാല്‍പുര്‍ ഖാദിയ മണ്ഡലത്തിലെ സിറ്റിങ് എംഎല്‍എയായ ഇമ്രാന്‍ പതിമൂവായിരത്തിലേറെ വോട്ടിന്റെ ഭൂരിപക്ഷത്തിനാണ് സഭയില്‍ വീണ്ടും എത്തുന്നത്.
കഴിഞ്ഞ ഗുജറാത്ത് സഭയില്‍ മൂന്നു മുസ്ലിം അംഗങ്ങളാണ് ഉണ്ടായിരുന്നത്, മൂന്നും കോണ്‍ഗ്രസുകാര്‍. ഇവര്‍ ഉള്‍പ്പടെ ആറു മുസ്ലിം സ്ഥാനാര്‍ഥികളെയാണ് കോണ്‍ഗ്രസ് മത്സരിപ്പിച്ചത്. ഇതില്‍ അഞ്ചു പേരും പരാജയപ്പെട്ടു.
പലയിടത്തും കോണ്‍ഗ്രസിന്റെ വോട്ടുകള്‍ ചോര്‍ത്തിയ എഐഎംഐഎമ്മിന്റെ സ്ഥാനാര്‍ഥി കൂടി ഉണ്ടായിരുന്ന, മുസ്ലിം ഭൂരിപക്ഷ മണ്ഡലത്തില്‍നിന്നാണ് ഇമ്രാന്‍ ജയിച്ചുകയറിയത്.
ഗുജറാത്തില്‍ പത്തു ശതമാനത്തോളമാണ് മുസ്ലിം ജനസംഖ്യയെങ്കിലും ബിജെപി ഒരു സ്ഥാനാര്‍ഥിയെപ്പോലും ന്യൂനപക്ഷ സമുദായത്തില്‍നിന്നു നിര്‍ത്തിയിരുന്നില്ല. ആംആദ്മി പാര്‍ട്ടി മൂന്നു മുസ്ലിം സ്ഥാനാര്‍ഥികളെ മത്സരിപ്പിച്ചിരുന്നു.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
