ന്യൂഡൽഹി: ഉത്തരാഖണ്ഡിലെ പ്രതിപക്ഷ നേതാവും കോൺഗ്രസ് എംഎൽഎയുമായ ഇന്ദിര ഹൃദയേഷ് (80)അന്തരിച്ചു. ന്യൂഡൽഹിയിലെ ഉത്തരാഖണ്ഡ് സദനിൽ വച്ച്‌ ഹൃദയാഘാതത്തെ തുടർന്നായിരുന്നു അന്ത്യം. ഹൽദ്വാനിയിൽനിന്നുള്ള നിയമസഭാംഗമായിരുന്നു ഇന്ദിര.
ഉത്തരാഖണ്ഡ് മുഖ്യമന്ത്രി തിരത്ത് സിങ് റാവത്ത് അനുശോചനം രേഖപ്പെടുത്തി. നാല് പതിറ്റാണ്ടോളം ഉത്തർപ്രദേശിന്റെയും ഉത്തരാഖണ്ഡിന്റെയും രാഷ്ട്രീയത്തിൽ സുപ്രധാന പങ്ക് വഹിച്ച വ്യക്തിയാണ് ഇന്ദിര എന്നദ്ദേഹം പറഞ്ഞു. ഇന്ദിരയുടെ വിയോഗം സംസ്ഥാനത്തിന് വലിയ നഷ്ടമാണെന്നും ഒരു മൂത്ത സഹോദരിയുടെ സ്‌നേഹം നൽകിയിരുന്ന അവർ തനിക്ക് ഒരു സ്വകാര്യ നഷ്ടമായിരിക്കുമെന്നും അദ്ദേഹം പറഞ്ഞു.
രാഹുൽ ഗാന്ധി ഉൾപ്പെടെയുള്ള കോൺഗ്രസ് നേതാക്കളും പ്രധാനമന്ത്രി നരേന്ദ്ര മോദിയും ഇന്ദിരയുടെ വിയോഗത്തിൽ അനുശോചനം അറിയിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
