കോൺ​​ഗ്രസ് എംപി രാജീവ് സതാവ് കോവിഡ് ബാധിച്ച് മരിച്ചു

ന്യൂഡൽഹി: മുതിർന്ന കോൺ​​ഗ്രസ് നേതാവും രാജ്യസഭ എംപിയുമായ രാജീവ് സതാവ് അന്തരിച്ചു. കോവിഡ‍ാനന്തര സങ്കീർണതകളെ തുടർന്ന് സ്വകാര്യ ആശുപത്രിയിലാണ് അന്ത്യം. 46 വയസായിരുന്നു.

ഏപ്രില്‍ 22നാണ് ഇദ്ദേഹത്തിന് കോവിഡ് സ്ഥിരീകരിച്ചത്. ആരോഗ്യനില വഷളായതിനെ തുടര്‍ന്ന്‌ പുനെയിലെ സ്വകാര്യ ആശുപത്രിയിൽ വെന്റിലേറ്ററിന്റെ സഹായത്തോടെ ചികിത്സയിൽ തുടരുന്നതിനിടെയാണ് മരണം സംഭവിച്ചത്.

എഐസിസി അം​ഗമായ ഇദ്ദേഹം മഹാരാഷ്ട്രയിലെ വിദർഭ മേഖലയിൽ നിന്നാണ് വരുന്നത്. 2014ലെ ലോക്സഭ തെരഞ്ഞെടുപ്പിൽ ഹി​​ഗ്വോളി മണ്ഡലത്തിൽ ശിവസേന നേതാവിനെ തോൽപ്പിച്ചാണ് പാർലമെന്റിൽ  എത്തിയത്. നിലവിൽ രാജ്യസഭ അം​ഗമാണ്.