ഗാന്ധി ജയന്തി ദിനത്തില്‍ ഇന്ത്യയെ 'ഹിന്ദു രാഷ്ട്ര'മായി പ്രഖ്യാപിക്കണം : കേന്ദ്രസര്‍ക്കാരിനോട് ആചാര്യ മഹാരാജ്

ന്യൂഡല്‍ഹി : ഇന്ത്യയെ ഹിന്ദു രാഷ്ട്രമായി പ്രഖ്യാപിക്കണമെന്ന് ജഗത്ഗുരു പരമഹംസ് ആചാര്യ മഹാരാജ് കേന്ദ്രസര്‍ക്കാരിനോട് ആവശ്യപ്പെട്ടു. ഗാന്ധി ജയന്തി ദിനമായ ഒക്ടോബര്‍ രണ്ടിന് പ്രഖ്യാപനം നടത്തണമെന്നാണ് ആചാര്യ മഹാരാജ് ആവശ്യപ്പെട്ടിട്ടുള്ളത്. 

തന്റെ ആവശ്യം അംഗീകരിച്ചില്ലെങ്കില്‍ സരയൂ നദിയില്‍ ജലസമാധി പ്രാപിക്കുമെന്നും ആചാര്യ മഹാരാജ് ഭീഷണി മുഴക്കി. രാജ്യത്ത് താമസിക്കുന്ന മുസ്ലീങ്ങള്‍ക്കും ക്രിസ്ത്യാനികള്‍ക്കും ഇന്ത്യന്‍ പൗരത്വം നല്‍കുന്നത് ഔദ്യോഗികമായി അവസാനിപ്പിക്കാനും ആചാര്യ മഹാരാജ് ആവശ്യപ്പെട്ടു. 

അയോധ്യയിലെ സന്യാസി സമൂഹം ആചാര്യ മഹാരാജിന് പിന്തുണ പ്രഖ്യാപിച്ച് ഹിന്ദു സനാതന്‍ ധര്‍മ്മ സന്‍സദ് സംഘടിപ്പിക്കുമെന്ന് അറിയിച്ചു. ഉത്തര്‍പ്രദേശ് നിയമസഭ തെരഞ്ഞെടുപ്പിന് രാഷ്ട്രീയപാര്‍ട്ടികള്‍ ഒരുങ്ങുന്ന വേളയിലാണ് ആചാര്യ മഹാരാജിന്റെ പ്രസ്താവന.